104r - - - - - Pour manger et dissouldre lor tout pur
Recipe mects du sel commun dans de leau fort en un matras
Et le laisse reposer deux heures sans le mectre sur le foeu
Mectes y lor fort tanvre et le tires comme sil avoict este
desparty dargent
Pour graver sur fer
Une ℥ de verdet ii ℥ de gros sel et un peu de sublime
Ou aultrement broye du massicot avecq huile de lin et
u en couvre ce la lame ou fer bien net & poly & laisse seicher
au foeu ou au soleil Et tire dessus ce quil te plaira
Puys pour le graver & faire leau prens pour un liard
de verdet & mects deulx fois aultant de gros sel &environ
quattre grains de sel armoniac & six grains de sublime
& fault que leau ne soict pas chaulde
Bonne saulce a colorer lor
Soufre & gravelle aultant dun que daultre & la tierce
partie de soufr sel & aultant de terra merita que de
soufre
Argenter sur cuivre et letton
Molles largent comme lor & le charger comme si vous voulies
dorer Et ne le laisse chaufer que largent ne se ternisse
point Et apres quil sera bien charge bouilles le en huile
de noix & apres chaufes le un peu & le bouttes en boutteure
doulce
Esmailler une cornaline
Destrempe de la fleur de forment avecq du vin blanc puys
en barboille & couvre toute la cornaline Et recuis la violette
apres mects la tremper dans du vin blanc une heure ou deulx
puys gratte la & laisse ce que tu vouldras espargne dessus
puys la recharge encores un peu dessus