103v - - - - - Clistere
Affin que le tuyau noffense poinct comme les enfans
ou ceulx qui se ont les veines hemorroidales eminentes
ou enflees On revest le bout du canon dun lopin de boyau
de poulet & on le replye par le bout & en ceste sorte
on donne le clistere
Gect
Lestaim se retire estant espes par ainsy il est
mieulx de le gecter tanvre & dune piece en faire
deulx puys les soulder si besoing est On se sert
dun taffetas fort pour passer le sable subtil duquel
on couvre premierement la medaille de lespesseur dun
teston
Pour fayre courre les
couleurs
Mesle du vinaigre avecq un peu avecq du fiel
& le p mects dans une bouteille de verre & si tu le
veulx garder long temps mects y un peu de sel & de
cela mesles en parmy vos couleurs & cela les fera
courre
Suif doreille
Si tu en prens asses au bout dun cureaureille
& le passe par lescume de lurine qui se faict volontiers
par ceulx qui ont mal de teste toute lescume se dissipera
Esmauls
Pour cognoistre bien leur difference et leur vraye
couleur a la chandelle Il fault mectre ta chandelle
derriere un mirouer de cristal ou un globe ou bocal
de verre plein deau Car ce jour est semblable a celuy
du soleil