102v - - - - - Paindre sur cristal ou verre
Ils peignent sans traicts a huile si ce nest aulx visaiges
ou ilz marquent le nez & la bouche en petit ouvraige avecq du
noir puys ilz font les touches & rehaulsements de blanc
apres ilz couchent tout de carnation Et quand aul fonds ilz
le font dazur dacre pour plus beau ou de laque pour rouge
plus tost faict ou de sang de dragon pour le plus beau
mays il le fault coucher peu a peu affin quil se monstre uny
& tout dune couleur & ainsy des aultres couleurs Apres
ilz mectent dessoubs une foeille de topasse ou une dor
ou dargent
Infusion danthos ou rosmarin
Au mois daougst la fleur est mieulx cuicte & plus propre
a fayre huile prens en telle quantite quil te plaira
Et la mects dans une bouteille bien @apres bouchee & laisse
fanir a lombre la dedans un jour puys mects y de
la premiere substance de vin & la laisse reposer trois ou
quattre jours Et exprime apres le tout dans une aultre
vaisseau & dans ceste mesme substance de vin mects y sept
ou huict infusions de nouvelles fleurs Apres laisse au
soleil la derniere infusion un moys Apres distiille la
par alenbic Ap Et de ceste eau prens en ii ℥ dans
deulx ou trois cuillerees de vin blanc Mays cest pour
les vieulx. Paul tiers@ en usoit.
Gect
Lestain vient mieulx estant tanvre & subtil quespes
pourceque estant espes & en grand chaleur il se ressere
Doncq si tu veulx mouler en estaing quelque piece esspece
moule la seulement dun coste & cave dun coste sil est possible
en ceste sorte tu lauras plus nette Et puys tu pourras
souldre deulx moicties ensemble Mays si tu es contrainct
de le mouler espes Fais en la forme & moule force
abrevouers aultour de la figure en ceste sorte
Figure
