101v - - - - - [continued]
que le crusol soict rouge. Aprés jecte le sur un mabre
et tu auras une matiere blanche, dure & unie comme albastre,
de quoy tu pourras jecter medailles qui sembleront mabre,
mays garde les de l’humidité.
Jacinthe
Se faict comme le ruby, avecq de l’or, mays il n’y
fault pas si grand foeu. Le ruby veult foeu tout
un jour, et s’il n’ha pas assés de foeu il n’aura
que des veines rouges.
at left top margin
Recuits tousjours
tes creusets.
at left top margin
On tient que
antimoine rubifié
faict jacinthe.
Topasse
J’ay fondu une part de pierre ponce calcinée &
pulverisée & tr avecq trois pars de minium
et la pierre pulverisée dans un mortier de ver f
acier. Il m’est venu un fort beau jaulne, sans aulcuns
grains plus jaulne que nul aultre. Il est vray
qu’il estoict chargé fort de couleur. Je croy qu’il
seroit mieulx de le pulveriser la ponce dans un
mortier de verre, pource qu’elle & le minium font assés
jaulne d’eulx mesme. Il m’est venu une masse, le dessus
beau jaulne comme dict est, le dessoubs comme caillou à
foeu, sans transparence. Avecq quoy, en meslant d’aultr
Vernis
Les Allemands font fort bouillir le minium
parmy l’huile de lin, & pour luy donner corps de
vernis, ilz y meslent l’ambre jaulne fort pulverisé.
Gomme armoniac
On la mects à petits lopins dans un peu de bon
vinaigre & on faict chaufer, puys on le passe par
une estamine. Toutes gommes de medecine se dissolvent
en vinaigre.