101v - - - - - [continued]
que le crusol soict rouge Apres jecte le sur un mabre
et tu auras une matiere blanche dure & unie comme albastre
dequoy tu pourras jecter medailles qui sembleront mabre
mays garde les de lhumidite
Jacinthe
Se faict comme le ruby avecq de lor mays il ny
fault pas si grand foeu Le ruby veult foeu tout
un jour Et sil nha pas asses de foeu il naura
que des veines rouges
at left top margin
Recuits tousjours
tes creusets
at left top margin
On tient que
l’antimoine rubifie
faict jacinthe
Topasse
Jay fondu une part de pierre ponce calcinee &
pulverisee & tr avecq trois pars de minium
et la pierre pulverisee dans un mortier de ver f
acier Il mest @venu un fort beau jaulne sans aulcuns
grains plus jaulne que nul aultre Il est vray
quil estoict charge fort de couleur Je croy quil
seroit mieulx de le pulveriser la ponce dans un
mortier de verre pourcequelle & le minium font asses
jaulne deulx mesme Il mest venu une masse le dessus
beau jaulne comme dict est le dessoubs comme caillou a
foeu sans transparence avecq quoy en meslant daultr@
Vernis
Les allemands font fort bouillir le minium
parmy lhuile de lin & pour luy donner corps de
vernis ilz y meslent lambre jaulne fort pulverise
Gomme armoniac
On la mects a petits lopins dans un peu de bon
vinaigre & on faict chaufer puys on le passe par
une estamine Toutes gommes de medecine se dissolvent
en vinaigre