101r - - - - - [continued]
encores bien fort, puys adjoustés y iii ℥ de minium & pilles
encores bien tout ensemble & le mectés dans le crusol, lequel
vous couvrirés d’un tuile aproprié, non guere espés, affin que
la chaleur y reverbere mieulx. Puys pose le sur la grille
de ton fourneau, ayant mis dessoubs quelque carreau
arrondy espés. Aprés emplis ton four de charbon jusques
à la gueule, qu’il soict comble, et laisse allumer, et entretiens
toujours la chaleur esgalle sans laisser abaisser le charbon.
Et pour cest effect fais que tousjours le four soict comble
& ras de charbon, et l’entretiens ainsy un jour. La premiere
experience que j’en ay faicte, il n’est venu qu’une masse jaulne comme est
le minium seul vitrifié, & quelque grains d’or en masse au fonds.
Essaye l’or cimenté et acompaigné de l’antimoine.
at left top margin
Si tu as besoing
de plus grande
chaleur plie,
mects sur le
bort de la
gueule du
four allumé
des tuiles
l’une contre
l’aultre pour
faire reverberer
la chaleur.
Figure at left middle margin
Topasse
La mesme doze s’observe en toutes pierreries, sçavoir un
poix de caillous calcinés sur trois de minium, pilant le
tout separement dans un mortier de cuivre pour esmeraulde
& dans un mortier de fer pour faire topasse ou couleur
d’ambre, avecq les pilons semblables aulx mortiers.
L’esmeraulde & la topasse sont de meme chaleur, & pour
une heure & demye de foeu, car elles se pourroient
brusler. Le ruby veult dadvantage de temps
& plus de foeu & coloré d’or en foeille. Je croy que
la pierre ponce ou pierre à foeu pour le ruby seroit
meilleur. Voy les emaulx. Essaye aussy de mesler,
au lieu de caillous, des pieces de vitre de couleur ou
des esmaulx. Si la masse n’est assés colorée, pile la davantage
dans le mortier de fer.
at left middle margin
Le tartre
un peu bruslé
meslé parmy
faict beau
jaulne mays
il n’en fault
guere. L’arene
aussy faict
plus jaulne.
Sel à fayre fondre
Mesle salpestre & sel commun et fais fondre ensemble,
& jecte sur le cuivre fondu ou ch en bain, & il le purifie
& faict courre merveilleusement. Premierement il fault decrepiter
le sel commun, c’est à dire le tenir dans bon foeu jusques à
ce qu’il ne petille plus ou, pour le mieulx le fondre, dans
un four à vent. Et le jecter nettement sur un mabre, puys le piler
& broyer fort subtillement, puys le mectre dans un crusol sur aultant
de salpestre & le laisser bouillir, & mesler ensemble jusques à ce
at left bottom margin
Il nettoye
& purifie fort
le metal.
[continued]