101r - - - - - [continued]
encores bien fort puys adjoustes y iii ℥ de Minium & pilles
encores bien tout ensemble & le mectes dans le crusol lequel
vous couvrires dun tuile aproprie non guere espes affin que
la chaleur y reverbere mieulx Puys pose le sur la grille
de ton fourneau ayant mis dessoubs quelque carreau
arrondy espes Apres emplis ton four de charbon jusques
a la gueule quil soict comble et laisse allumer Et entretiens
toujours la chaleur esgalle sans laisser abaisser le charbon
Et pour cest effect fais que tousjours le four soict comble
& ras de charbon Et lentretiens ainsy un jour La premiere
experience que jen ay faicte il nest venu quune masse jaulne comme est
le minium seul vitrifie & quelque grains dor en masse au fonds
@Essaye lor cimente et acompaigne de lantimoine
at left top margin
Si tu as besoing
de plus grande
chaleur plie
mects sur le
bort de la
gueule du
four allume
des tuiles
lune contre
laultre pour
faire reverberer
la chaleur
Figure at left middle margin
Topasse
La mesme doze sobserve en toutes pierreries scavoir un
poix de caillous calcines sur trois de minium pilant le
tout separement dans un mortier de cuivre pour esmeraulde
& dans un mortier de fer pour faire topasse ou couleur
dambre Avecq les pilons semblables aulx mortiers
Lesmeraulde & la topasse sont de meme chaleur & pour
une heure & demye de foeu Car elles se pourroient
brusler Le ruby en veult dadvantage de temps
& plus de foeu & colore dor en foeille Je croy que
la pierre ponce ou pierre a foeu pour le ruby seroit
meilleur Voy les emaulx Essaye aussy de mesler
au lieu de caillous des pieces de vitre de couleur ou
des esmaulx Si la masse nest asses coloree pile la davantage
dans le mortier de fer
at left middle margin
Le tartre
un peu brusle
mesle parmy
faict beau
jaulne mays
il n’en fault
guere Larene
aussy faict
plus jaulne
Sel a fayre fondre
Mesle salpestre & sel commun et fais fondre ensemble
& jecte sur le cuivre fondu ou ch en bain & il le purifie
& faict courre merveilleusement Premierement il fault decrepiter
le sel commun cest a dire le tenir dans bon foeu jusques a
ce quil ne petille plus Ou pour le mieulx le fondre dans
un four a vent Et le jecter nettement sur un mabre puys le piler
& broyer fort subtillement puys le mectre dans un crusol sur aultant
de salpestre & le laisser bouillir & mesler ensemble jusques a ce
at left bottom margin
Il nettoye
& purifie fort
le metal
[continued]