100v - - - - - Pierrerie
Prens des caillous blancs qui se trouvent par
les rivieres & parmy le sablon & les chemins, qui sont
aulcunement transparents, & s’ils le sont parfaictement ce
sera mieulx. Sinon use des meilleurs & plus blancs
que tu pourras. Calcines les trois ou 4 fois
dans ton four à vent & les estaints dans de l’eau
ou vinaigre. Aprés prens en une ℥ et les pile
dans un mortier tout pur de cuivre & avecq un pilon
de pur cuivre, et les broye jusques à ce qu’ils
soient en pouldre fort subtile & doulce, et cela est
un signe qu’ils ont prins de la substance du cuivre
assés pour leur donner verdeur. Lors sur ton ℥
de caillou mects y trois ℥ de bon minium non sophistiqué
de brique & d’aultre chose, et broye encores bien
fort tout ensemble dans le mortier de bronze.
Et sur tout cela, mets y un gros pour ℥ de sel de verre;
& aulcuns & le commun y mect deu suin de verre
qu’ilz trouvent ches les verriers ou apotiquaires.
Mays le sel alchali, comme tu sçais, est meilleur.
at left middle margin
Esmeraulde En ceste sorte le vulgaire faict des esmerauldes,
& en gectent en sable. Si tu n’as point de mortier
de bronze, broye avecqun mort dans un chaulderon
de pur cuivre.
at left top margin
Il fault faire
recuire plustost
les creusets qu’i
mectre les matieres
et les mectre dans
la fornaise ou
four à vent, plustost
que faire & augmenter
le foeu. Figure
at left middle margin
Elles sont faictes
en une heure & demye.
at left middle margin
Un gros de sel
sur les quattre ℥
de caillou & minium.
Quand on dict: pour ℥,
cela s’entend sur une
℥ du corps & non pas
des sels & du minium.
Pour ruby prens de l’or
en foeille
Haulsse ton four de deulx tuiles tout aultour, pource qu’il
fault plus de chaleur pour fayre rubis que pour esmerauldes.
Et prens une ℥ de caillou blanc calciné et la mects dans
un mortier de verre; & l’ayant grossierement broyé
avecq le pilon de mesme, mesles y un grain le poix d’un
grain d’or en foeille de quoy les painctres dorent, & broye.
at left bottom margin
Aulcuns disent que,
meslant l’or avecq
les caillous
et le salpestre, il
faict couleur de
peschier.
at left bottom margin
Aultres disent qu’il
fault que l’or soict
plusieurs foys cimenté
puys battu en foeille
[continued]