100v - - - - - Pierrerie
Prens des caillous blancs qui se trouvent par
les rivieres & parmy le sablon & les chemins qui sont
aulcunement transparents & sils le sont parfaictement ce
sera mieulx Sinon use des meilleurs & plus blancs
que tu pourras Calcines les trois ou 4 fois
dans ton four a vent & les estaints dans de leau
ou vinaigre Apres prens en une ℥ et les pile
dans un mortier tout pur de cuivre & avecq un pilon
de pur cuivre Et les broye jusques a ce quils
soient en pouldre fort subtile & doulce et cela est
un signe quils ont prins de la substance du cuivre
asses pour leur donner verdeur Lors sur ton ℥
de caillou mects y trois ℥ de bon minium non sophistique
de brique & daultre chose Et broye encores bien
fort tout ensemble dans le mortier de bronze
Et sur tout cela mets y un gros pour ℥ de sel de verre
& aulcuns & le commun y mect deu suin de verre
quilz trouvent ches les verriers ou apotiquaires
Mays le sel alchali comme tu scais est meilleur
at left middle margin
Esmeraulde En ceste sorte le vulgaire faict des esmerauldes
& en gectent en sable si tu nas point de mortier
de bronze broye avecq un mort dans un chauldron
de pur cuivre
at left top margin
Il fault faire
recuire plustost
les creusets qui
mectre les matieres
et les mectre dans
la fornaise ou
four a vent plustost
que faire & augmenter
le foeu Figure
at left middle margin
Elles sont faictes
en une heure & demye
at left middle margin
Un gros de sel
sur les quattre ℥
de caillou & minium
quand on dict pour ℥
cela sentend sur une
℥ du corps & non pas
des sels & du minium
Pour ruby prens de lor
en foeille
Haulsse ton four de deulx tuiles tout aultour pourcequil
fault plus de chaleur pour fayre rubis que pour esmerauldes
Et prens une ℥ de caillou blanc calcine et la mects dans
un mortier de verre & layant grossierement broye
avecq le pilon de mesme Mesles y un grain le poix dun
grain dor en foeille de quoy les painctres dorent & broye
at left bottom margin
Aulcuns disent que
meslant lor avecq
les caillous
et le salpestre il
faict couleur de
peschier
at left bottom margin
Aultres disent quil
fault que lor soict
plusieurs foys cimente
puys battu en foeille
[continued]