100r - - - - - Or couleur
Pour avoyr bien tost faict couche d’or sur mat sur toile
ou aultre tableau à huile, on faict au soleil ou au feu de
l’huile de noix gras comme cy devant dict, car il s’espessist de soy
mesmes en ceste sorte, encores qu’il n’y aye point de plomb ne ceruse.
Et avec iceluy broye du massicot, mine & aultres dessiccatifs,
non pas verdet ne orpiment, car ilz font mourir l’or. Il sera
sec bientost. Touteffoys si le temps n’est serain & sec ne l’adonbre
pas, car si le temps est relent & humide il se rendroit noir.
Pourtraire au naturel
Il fault curieusement observer les yeulx, le nes & la
barbe, car ces trois choses font fort resembler.
Pierreries
Il fault piler tes materiaulx en un mortier de verre espés,
& enchassé & mastiqué dans un aultre mortier de bois affin
qu’il ne se rompe point, cela peult servir aulx parfumeurs,
& la t le pilon aussy de verre.
at left middle margin
at left middle margin
Mortier
de verre
et table
de verre
à broyer
Le salpestre vitrifié
Estant fondu avec les caillous, il faict le verre fort blanc.
Mays il le fault plustost calciner sur une tuile ou palle
chaulde. Et ce qui restera de la vapeur, mesle le avec aultant
de caillou blanc calciné. Il est vray qu’au petit fourneau,
il ne se clarifie pas bien. Mays aulx grandes verrieres,
il faict le verre fort cler & blanc & net.
Vitres que le soleil ne passera
point
Prend du salpestre susdict calciné & l’expose à l’air
ou lieu humide, et il se convertira en liqueur de laquelle,
si tu frottes les vitres des deux costés, le soleil ne passera point
à travers, ains fera ombre. Il fault mectre le salpestre
sur quelque chose place nette & la mectre dessus des charbons allumés,
et continuer par tout jusques à ce qu’il ne brusle plus.
at left bottom margin
Il sert aussy
à faire fondre
& mectre parmy
le sel alchali
pour nettoyer les
mains.