na<p>[TOC]

[translation]</p><div class="folio" align="center">- - - - - 100r - - - - - </div>

Or couleur

Pour avoyr bien tost faict couche dor sur mat sur toile
ou aultre tableau a huile on faict au soleil ou au feu de
lhuile de noix gras comme cy devant dict car il sespessist de soy
mesmes en ceste sorte encores quil ny aye point de plomb ne ceruse
Et avec iceluy broye du massicot mine & aultres dessiccatifs
non pas verdet ne orpiment car ilz font mourir lor Il sera
sec bien tost Touteffoys si le temps nest serain & sec ne l’adonbre
pas car si le temps est relent & humide il se rendroit noir

Pourtraire au naturel

Il fault curieusement observer les yeulx le nes & la
barbe car ces trois choses font fort resembler

Pierreries

Il fault piler tes materiaulx en un mortier de verre espes
& enchasse & mastique dans un aultre mortier de bois affin
quil ne se rompe point Cela peult servir aulx parfumeurs
& la t le pilon aussy de verre

at left middle margin

at left middle margin

Mortier
de verre
et table
de verre
abroyer

Le salpestre vitrifie

Estant fondu avec les caillous il faict le verre fort blanc
Mays il le fault plustost calciner sur une tuile ou palle
chaulde Et ce qui restera de la vapeur Mesle le avec aultant
de caillou blanc calcine Il est vray quau petit fourneau
Il ne se clarifie pas bien Mays aulx grandes verrieres
il faict le verre fort cler & blanc & net

Vitres que le soleil ne passera
point

Prend du salpestre susdict calcine & lexpose a lair
ou lieu humide et il se convertira en liqueur de laquelle
si tu frottes les vitres des deux costes le soleil ne passera point
a travers ains fera ombre Il fault mectre le salpestre
sur quelque chose place nette & la mectre dessus des charbons allumes
et continuer par tout jusques a ce quil ne brusle plus

at left bottom margin

Il sert aussy
a faire fondre
& mectre parmy
le sel alchali
pour nettoyer les
mains