099v - - - - - Coigniers
Ils veulent estre souvent esmondés, aultrement ilz se meurent
& ne portent pas le fruit si beau.
Canons
Ils sont fort difficilles à foreter quand ilz sont de metal, pource que
la matiere est brusque & frangible. Mays alors il ne fault poulser le
foret de trop grand force ne continuer d’un traict à le poulser, mays le
retirer souvent. Et en ce cas, on faict la gueule du canon plus grande que la balle
affin d’esviter la necessité de foreter, pource que la matiere se gecte & enfle
& poulsse le mole Si le foret qui ne doibt pas estre ne a queue d’hyronde
ne en poincte, ains trenchant en rond comme un vibrequin, s’il se romp, il ne l’y
fault pas laisser rouiller +
at left top margin
+ mays l’oster de la
lumiere soubdain.
Ce que tu feras, y versant
un peu d’huile dessus
puys retourner
le lieu de la lumiere en bas
& fraper a l’oposite
de la piece, & il
tombera en bas.
Il fault foreter
doulcement & à l’aise
quand la piece
est de metal.
Cloches
On ne les faict poinct dans la fosse si elles ne passent
Dorer ta moleures de tableaux
sans or
Aulcuns prennent l’orpiment en foeille & le pulverisent
& en font les foeilles moresques & le brunissent, et c’est
l’orpiment qui est luysant comme or. Touteffois, les metaulx
broyés ou le cristallin broyé ou la pierre de touche
sont meilleurs.
Orenge d’orpiment
On le sublime & on le broye, & aulcuns pour le fayre
plustost fondre y mectent un peu d’arsenic.
Vernis
Aulcuns font celuy de mastic avec deulx onces de mastic
et une d’huile de tourmentine claire & blanche & eau de vye
comme dessus. Faire chaufer sur cendres jusques à ce qu’il
soit fondu, puys la laisser reposer & poser en un aultre
vaisseau pour le purger des faisses.