099v - - - - - Coigniers
Ils veulent estre souvent esmondes aultrement ilz se meurent
& ne portent pas le fruit si beau
Canons
Ils sont fort difficilles a foreter quand ilz sont de metal pource que
la matiere est brusque & frangible Mays alors ilz ne fault poulser le
foret de trop grand force ne continuer dun traict a le poulser Mays le
retirer souvent Et en ce cas on faict la lumiere gueule du canon plus grande que la balle
Affin desviter la necessite de foreter Pource que la matiere se gecte & enfle
& poulsse le mole Si le foret qui ne doibt pas estre ne a queue dhyronde
ne en poincte ainse trenchant en rond comme un vibrequin Sil se romp il ne ly
fault pas laisser rouiller +
at left top margin
+
mays loster de la
lumiere soubdain
Ce que tu feras y versant
un peu dhuile dessus
puys l retourner
le lieu de la lumiere en bas
& fraper a loposite
de la piece & il
tombera en bas
Il fault foreter
doulcement & a laise
quand la piece
est de metal
Cloches
On ne les faict poinct dans la fosse si elles ne passent@
Dorer ta moleures de tableaux
sans or
Aulcuns prennent lorpiment en foeille & le pulverisent
& en font les foeilles moresques & le brunissent Et cest
lorpiment qui est luysant comme or Touteffois les metaulx
broyes ou le cristallin broye ou la pierre de touche
sont meilleurs
Orenge dorpiment
On le sublime & on le broye, & aulcuns pour le fayre
plustost fondre y mectent un peu darsenic
Vernis
Aulcuns font celuy de mastic avec deulx onces de mastic
et une dhuile de tourmentine claire & blanche & eau de vye
comme dessus faire chaufer sur cendres jusques a ce quil
soit fondu puys la laisser reposer & poser en un aultre
vaisseau pour le purger des faisses