099r - - - - - [continued]
La terre ou sable mouillé ou broyé avecq eau veult estre
plus recuit que le sable.
Le letton de chandelier n’est pas pur car on y mesle
de la limaille & du potin.
Le letton veult estre gecté plus chault que le cuivre,
quod non credo.
Il ne fault pas, pour gecter curieusement, prendre tous
metaulx aliés, mays les prendre purs & les mesler.
Le fer ne s’accorde gueres a gecter dans l’ung du cuivre
ou letton.
Il est mieulx de mouler tout d’un sable, soict en chassis
ou noyau, qu’en divers meslés.
at left top margin
Il fault recuire
, à foeu quide charbon
qui s’allume de
soy mesme, le crusol
une ou deulx heures
et p avecq la
matiere dedans,
et puys soufler
& couvrir le crusol
de gros charbons
& la gueule du
fourneau de briques,
et laisser consumer
deulx ou trois
mises de charbon
qui se se remplissent
le fourneau par
dessus le crusol.
En fin donner foeu
de chasse, & comme la flame sera fort
blanche & que la
matiere sera en
bain liquide comme
eau & gectant des
flammes de bleu
pasle, gecte.
Le secret est de
gecter bien fort chault
& à coup.
Sable blanc maigre
sans liaison se rend fort
propre pour le gect, & ayant corps, se tu le broyes fort
subtil sur le porphire ou le calcine, le rougissant plusieurs
foys au foeu, & estans en vinaigre ou subtillies avecq l’eau
comme tu sçais, il moule aussy fort net en noyau, comme j’ay
experimenté. Mays ne le destrempe pas avecq eau sel si tu
le veulx promptement recuire, car le sel bouillonne au foeu
& faict des pustules, estant pressé du foeu. Je croy que
les noyaulx recuits à l’aise ne feroient pas cela. Je y ay
moulé fort net en noyau matiere de poelonne. Le sable blanc
sent le soufre comme il se recuit, et croy qu’il se fondroit. Et
comme la matiere a esté gectée dedans, il adquiert dans le
moule comme un lustre comme s’il estoit plombé ou vitrifié. Je croy
que les verriers s’en pourroient servir.
at left middle margin
Il fault fort
peu de sel armoniac
dissoult dans l’eau.
Anses de cloches
Elles se peuvent bien remectre sans refaire la cloche,
laquelle il fault remectre dans la fosse & le moule dedans.
Mays soulder la cloche ref fendue, il est estimé impossible
pour luy donner sa premiere voix.