098v - - - - - Petis chiens
Les petits chiens qui doivent estre barbets se cognoissent
a ce quilz ont le moeufle plus gros que les aultres
Artichauts sales
On les mect entiers & non trop faicts en un barricot
quon emplist de saulmure Puys on les sert tout lan
parmy les salades crus avecq huile & vinaigre car estant
ainsy prepares ilz sont longs a cuire Mays advise
dexperimenter ta saulmure avecq un œuf Car si elle est
bonne & assez forte loeuf nagera dessus Sinon elle nest
pas asses forte et ne conserveroit pas les fruits
Abres
Qui portent bien tost fruit se viellessent et ne durent
gueres
Oyseaulx
Qui ont este nourris a la broche ne siflent pas parmy les
aultres en compaignee silz ne sont en une cage a part
Pour les bien aprendre a sifler il les fault prendre au
nid plustost qu’ils ne voyent & les couvrir de duvet ou dune
peau de lievre Ainsy nayant point veu leur pere et cogneu
sa voix ilz aprenent mieux le fifler quon leur enseigne
Fonte
La potee se faict de terre bruslee qui a servy a la fonte
cest terre bourre bolvene dans @ laquelle on la fondu On la
broye sur une grande pierre & de celle la on en faict la chappe
des premiere couche de la chape des cloches ou il y ha
lettres & ouvrages & le nha besoing que destre recuite a la
flambe de la paille et moulle fort net
La terre qui moule en noyau est subgecte a soufler si tu
ne frottes fort avecq la broisse ou le doigt sur la piece
mouler qui soit bien huilee Et fais couches a couches & non
en un coup
[continued]