095v - - - - - [continued]
Le bout sachepte tout faict a douzaine qui couste six sols
des petits Mays des grands ii carolus Le bout ce se mect
ou avecq des cloux qui se mectent aulx costes du tranchant Mays
cela ne faict que gaster lespee & corrompre le fourreau pourceque
leau entre par la joincture du clou Le mieulx est de lapliquer
avecq de la rousine ou colle Mays la rousine est meilleure
Et est mieulx que le bout soict fort iust & si chault pose que
la rousine pulverisee sur le bout se fonde en ceste sorte
il ne tombe point et ne se peult deffaire sil nest mis au foeu
Les gardes sont de plusieurs sortes
A ouvraiges
A goutiere qui est a mouleures rondes
A perles
A escharpe quand les bandes sont de travers
A oignon qui est teste platte
A mode de roy qui sont plaines
Les forbisseurs les achaptent a douzaines la douzaine
des pleines coste communem x lb La piece douvraige 30 sl ou
selon sa facon
La premiere chose que faict laprentis cest de fourbir
comme dict est
Et apres de garnir lespee & faire un fourreau qui est
le parfait de lart
Ils acheptent les boys des fourreaulx qui sont de fayan touts
faicts Le cent pour xv ou xx ou 30 sl selon la distance
du lieu ou ilz se font
Ces boys sappellent ainssy Estelles qui doibvent estre bien nettes
& sans noeuds & ont un travers de doigt despes
Puys le fourbisseur les mect sur un petit banc appele le
banc des fourreaulx Et avecq ung plane petit fer comme celuy
du banc des menusiers ilz le font tenir ferme Puys avecq
une plane plane qui est comme un costeau a deulx manches
on esbauche le boys par dessus apres on y passe le rabot pour
mieulx laplanir Apres par le dedans on le recure avecq une
[continued]