095r - - - - - [continued]
Le fourbisseur achepte ses lames à douzaine, qui ne sont pas
achevées d’estre tirées par la queue pource qu’il faict cela luy mesme
pour les bien adjouster au l pommeau & gardes.
Les espaignolles sont estimées meilleures pour estre de meillleur acier
& fer, mays elles ne sont pas si bien forgées que les espées de Vienne
en pro Daulphiné. Les espaignolles ne sont pas aussy bien esmoulues
venant de la forge, pour ce qu’ils les esmoulent avecq le pied & c’est
ce qui les faict trouver ondées.
Les lames de Vienne costent communement xviii ou 19 lb. la douzaine.
La premiere chose que faict le forbisseur ayant ses lames neufves,
c’est de luy estirer la queue, ce qu’il faict ou faict faire aulx
serruriers ou mareschaulx, luy donnant quelque liart pour son
charbon. Aprés ilz la passent par la meule pour la faire
trancher, puys l’estendent sur le chameau et, avecq de l’esmeril pulverisé,
subtil & doulx comme farine & destrempé d’huile pour le faire tenir,
ilz fourbissent l’espée avecq le baston pour oster les traicts de
la meule, et puys le nettoyent pobien l’espée de l’esmeril, et luy donnent
une goute ou deulx d’huile, qu’ilz estandent avecq le doigt, pour luy
donner lustre. Et ayant mis l’huile, ils fourbissent encores l’espée
sur le chameau avecq le felin, qui est une pierre de fouldre
manchée au milieu d’un baston comme la fustée, et ce baston
s’appelle le baston à felinder. Aprés, l’ayant passé par le felin,
ilz la fourbissent avecq de la croye & l’huile qui est dessus l’espée
Aprés l’essuyent & la repassent & fourbissent avecq de la croye
seiche. Et à la fin, quand elles sont achevées de monter, on leur
donne le fil avec le gratteau. Ai
Estant fourbye, on la monte sur les gardes, lesquelles on presente
pour sçavoir si elles conviendront bien. Et empoignant une lame
de sorte que tout le talon soict compris dans la main, on conjecture
qu’elle sera aussy poisante estant montée.
On mect la lame dans un estoc entre deulx morceaulx de boys,
puys avecq une lime ilz agrandissent, si besoing est, l’entrée de la
garde. Puys, pour la river, on pose sur la ribeure un lopin de
& pommeau un lopin de bois & avecq un marteau on frappe dessus
pour faire bien aplomber & asseurer le pommeau. Puys avecq le
marteau on acheve la ribeure, quand le marteau est bien asseuré &
ne bransle point. Le bois s’i mect pour ne gaster point le pommeau.
Aprés on acommode la riveure avecq la lime ou avec un ciseau.
Et aulcuns font le b la riveure en table de diamant quarré, mays
elle n’est pas si bonne que la ronde car à la quarre la riveure se
couppe.
[continued]