094v - - - - - [continued]
Les poignées d’or se font y mectant dessoubs de la toile deliée
jaulne ou aultre jaulnye avecq de la croye. Et ceste toile se pose
avecq colle ou gome susdicte, c’est affin que le fil tienne mieulx
dessus. Ceulx si se font a cordons comme celles de soye, & entre deulx
cordons on y mect un fil ou deulx pour la faire mieulx monstrer.
Celle d’argent se faict de mesme, et y a aultant de peyne qu’à la
soye, et encores moings pource que la soye coste plus à tordre,
à cause qu’il la fault tordre à deulx revers. Une poignée
d’or fin vault 28 ou 20 sous.
La meilleure pointe d’espée est à foeille de sauge.
Ce long baston sur laquelle s’attache & couche
l’espée pour la fourbir s’appelle le chameau,
il est communement de sorbier, qui est dur & uny.
Le baston de dessoubs qui est plié en arc
s’appelle l’arson.
Le baston de dessus s’appelle le baston
de la fustée.
Et ceste piece carrée qui porte sur l’espée
pour la brunir s’appelle fustée.
Il y ha deulx cornes: l’un s’appelle le cornet
à huile, l’aultre le cornet de l’esmery.
Il y ha un fer qui est faict comme une poincte
d’halebarde quarré & d’acier fort uny & bien
limé, qui s’appelle le grateau, qui sert à
adoulcir les traicts de la lime sur les gardes
d’espée & à donner le fil aulx espées aprés qu’elles
sont esmoulues, qui est mieulx qu’avecq la pierre
ou coux, qui faict bien souvent des rayeures.
Pour mieulx faire coupp trancher les espées, on leur donne le fil
tirant de la pointe en sus.
Ceulx qui font les gardes d’espées sont artisans separés de
fourbisseur.
A cest le Bruisson
B cest la sanguine
La fustée, c’est un boys quarré d’espesseur de trois doigts,
de boys de buy, qui s’emboicte au milieu du baston de fustée pour
fourbir.
Le baston à fresiller est de saule, qui est pour desrouiller les
armes avecq du fresil, qui est ceste escaille de fer tombant a la
forge des mareschaulx.
Figure at left top margin
Figure at left middle margin
at left middle margin
a b
D
le baston
a felinder
c
le flin ou pierre
de fouldre
[continued]