094v - - - - - [continued]
Les poignees dor se font y mectant dessoubs de la toiledeliee
jaulne ou aultre jaulnye avecq de la croye Et ceste toile se pose
avecq colle ou gome susdicte Cest affin que le fil tienne mieulx
dessus Ceulx si se font a cordons comme celles de soye & entre deulx
cordons on y mect un fil ou deulx pour la faire mieulx monstrer
Celle dargent se faict de mesme Et y a aultant de peyne qua la
soye et encores moings pourceque la soye coste plus a tordre
a cause quil la fault tordre a deulx revers Une poignee
dor fin vault 28 ou 20 sl
La meilleure pointe despee est a foeille de sauge
Ce long baston sur laquelle sattache & couche
lespee pour la fourbir sappelle le chameau
il est communement de sorbier qui est dur & uny
Le baston de dessoubs qui est plie en arc
sappelle larson
Le baston de dessus sappelle le baston
de la fustee
Et ceste piece carree qui porte sur lespee
pour la brunir sappelle fustee
Il y ha deulx cornes lun sappelle le cornet
a huile laultre le cornet de lesmery
Il y ha un fer qui est faict comme une poincte
dhalebarde quarre & dacier fort uny & bien
lime Qui sappelle le grateau Qui sert a
a adoulcir les traicts de la lime sur les gardes
despee & a donner le fil aulx espees apres quelles
sont esmoulues qui est mieulx quavecq la pierre
ou coux qui faict bien souvent des rayeures
Pour mieulx faire coupp trancher les espees on leur donne le fil
tirant de la pointe en sus
Ceulx qui font les gardes despees sont artisans separes de
fourbisseur
A cest le Bruisson
B cest la sanguine
La fustee cest un boys quarre despesseur de trois doigts
de boys de buy qui semboicte au milieu du baston de fustee pour
fourbir
Le baston a fresiller est de saule qui est pour desrouiller les
armes avecq du fresil qui est ceste escaille de fer tombant a la
forge des mareschaulx
Figure at left top margin
Figure at left middle margin
at left middle margin
a b
D
le baston
a felinder
c
le flin ou pierre
de fouldre
[continued]