Making and Knowing
A minimal edition of BnF Ms Fr 640

[TOC] | [translation]

- - - - - folio image: 093r - - - - -

Olives

Elles se gastent si une foys le moys on ne leur rafreschist leur
eau sel quil ne fault pas toucher des mains car cela les faict
gaster

Observation des rustiques

Que quand il gele le jour des rameaulx il gele tous les moys
de lan

Que quand les premieres fleurs tombent les suiv & se perdent
de la gelee les aultres communement se perdent aussy

IHantes

Il ne fault pas que le greffe soict de vieulx bois car il nest
jamais bel abre

Il ne fault laisser au greffe que deux gectons pour le plus
car quand il ha dadvantaige sa force est afoiblie le vent
le tourmente & nha pas tant de force pour bouter

Les abres qui hont grosse moelle comme les peschiers & tout
leur genrre & les pruniers ne veulent point hantes en temps
de gelee pourceque le froid corrompt leur moelle laquelle
il se fault bien aussi garder doffenser en coupant le pied du
greffe

Toutes hantes ne se doibvent faire plustost que leur abre
ne soict en sabe car lhumeur les pousse bien tost Aultrement
auilz se seichent plustost que lhumeur de la sabe ne les pousse

Sable

La cendre blanche de tout boys qui se tient encores au boys
qui brusle et nest point tombee au bo foyer moule fort net

Sable

La cendre suye bien pulverisee moule & despouille fort net
celle des cuisines qui est grasse & luisante des grandes cuisines est meilleure

La chaulx vive subtillement pulverisee faict le mesme de pierre
vive
deffaicte en la cave faict mieulx