091v - - - - - [continued]
comme les deulx os sont joincts, co couppe les tout aultour bien uniment
& fais des coches e aultour en divers endroicts qui traversent
sur la joincture des deulx os, affin de recognoistre bien l’endroit
de leur premiere joincture. Ou bien, avecq de petites pointes de
bois, traverse les, ou ma enduicts les joinctures avecq de l’ardille
& fais seicher. Presse entre les des mains joinctes entre
les deulx genoux & non pas avecq presse, pource que l’os
s’esclateroit. Moule aussy à l’aise & à deulx ou trois fois,
jusques à ce que tu voyes qu’il soict bien acaché & bien
empraint. Et à chasque fois, plustost que remectre la piece,
ponce avecq du charbon de saule, car il faict bien despouiller.
Quand tu as gecté, frotte d’huile & de pouldre de charbon
de saule & avecq des broisses la medaille pour la
ternir. Garde que ta medaille ne soit point grasse ne
huilée quand tu mouleras en os de seiche. Quand tu as
gecté, laisse refroidir plustost d’en retirer la medaille,
car quand on la retire chaulde, elle emporte de l’os. Et
gecte mediocrement chault, ce que tu cognoistras quand
l’os ne change presque bien point sa blancheur. Mays
quand il est trop chault, il roussist fort l’os. La
proportion de plomb & estaim est d’un aultant que d’aultre.
Si la piece est difficile à venir & de plusieurs pieces,
fais le gect fourcheu de trois ou quatre rayes,et
fais & conduicts ces rayeures à l’endroit des parties
plus espesses. Fais aussy des rays aultour de la
medaille, comme au droit des testes, car cela attire le
metal & abreuve mieulx la figure. Remue un peu ton
chassis quand tu as gecté, et ainsy tu feras fort net
plusieurs gects. L’estain trop chault brusle l’os, qui
se corrompt. Estant aussy retiré du mo chault du moule,
il est dangereulx à rompre.
Figure
