091r - - - - - Hanter
De Tout abre qui ha plus grosse moelle le greffe est malaise a estre bien tailler
pourcequil y a dangier doffenser la moelle & si elle est offensee
a droict la joincture malaisement prend il comme de la vigne de touts persees
& des abricots
Les abricots ont lescorce fort deliee & par ainsy il les fault
enter sur jeunes abres qui ne layent poinct encores espesse comme sur
gectes de prunier & amendiers
Les greffes ne prenent gueres si la taille de labre se mouille
il fault doncq hanter En temps serain & doulx & non trop froid &
venteulx
Le bois vieulx quon laisse au greffe est necessaire si on ente sur
un abre qui est desja faict & de bonne grosseur pourceque estant tel
il serre plus le greffe & sil est de jeune bois il est si comprime quil
ne peult profficter Mays le bois vieulx resiste mieulx a la
compression du bois vieulx que le jeune a cause quil est plus dur que
le jeune @Mays si le greffe est tout de bois vieulx jamays il ne faict
belle mise ains vient caduc & court & long a croistre
Mouler en os de seiche
Garde bien de ne les tenir en lieu humide car ilz sont
fort subgects a shumecter Si ta medaille est petite couppe los
en deulx puys unis le avec un costeau Et sur une tuile a crochet
bien seiche & bien unie & couverte de charbon de saule pulverise
frotte & unis les moicties des os Ainsy ilz sabreuvent de ce
charbon de saule qui les faict bien despouiller & garde de rien
enlever Puys sur un contre os cest a dire un lopin de
brique unye de la grandeur de ton os pose ta medaille & puys
sur icelle pose los & presse bien avecq quelque aultre piece de
la grandeur par dessus Et pour la seconde fois moule le
mays plustost ponce dessus du charbon de saule & soufle
legerement puys presse comme au paravant Et il viendra net
Si cest pour un manche de cuiller il fault deulx os entiers
Tout ouvrage gecte est aigre & subgect a rompre pourceque
le metal se dilate au gect & se reserre & condense au marteau
Cest pourquoy il fault resuivre la chose gectee avec le ciselet
& en ceste sorte le metal se resserre Laisse le ainsy escrouir
Si la piece a mouler est de grand relief trasse premierem le
moule & le cane avecq un trancheplume pour faire voye a la
medaille & puys moule Et si la medaille est a deulx envers
at left bottom margin
plustost que
geter chaufe
les os affin de
leur faire
perdre seulement
la froideur
& humeur
at left bottom margin
Quand le
plomb chaufe
trop il se
calcine
[continued]