089v - - - - - Sel armoniac et albastre
Le sel armoniac bien pulverise mou & broye a sec sur le mabre
moule fort net & est de tres belle despouille & estant mesle avecq
lalbastre pulverise de mesme ii ℥ pour lb dalbastre il le faict
bien despouiller Il suffist de lhumecter dans une cave ou au serain
ou pour avoyr plustost faict dans une feille de papier entre une
serviette mouillee Mays advise quil ny demeure pas trop Car il
viendroit si destrempe quil ne seroit pas bon a mouler en chassis
ains en noyau en quoy tu le pourras bien employer pourveu quil
seiche fort a laise & loing du foeu Aultrement la chaleur le faict
gonfler & gecter le sel a la superficie qui le rend grumeleux
Tu peulx en oindre dhuile daspic la medaille moulant en noyau
Il est mieulx dy mectre 4 ℥ de sel armoniac pour lb et lhumecter
en lieu humide deulx ou trois jours & de telle sorte que quand tu le prens
a poignees il se tient sans toutesfois sattaquer & empaster la main Tu en
mouleras fort net Mays laisse seicher & recuire bien fort laissant
le moule dedans affin quil adquiere force en recuisant car il vient dur
comme pierre & en ceste sorte est plus seur a bien despouiller Aultrement sa tu
despouilles sans avoir plustost recuit il y auroit danger quil sesmiast en quelque
@endroit a cause de sa delicatesse & subtilite
mesmement si la medaille est de grand
relief En ayant moule pulverise
le comme devant et remects a lhumide @
at left top margin
Tout sable qui
despouille bien ha corps
& faict bonne prise
Larmoniac est gras
et a va toutesfois est
areneulx qui faict bien
despouiller Il ny ha
point meilleure liaison
que des sels propres
aulx metaulx Car
estant mesles en
pouldre ilz shumectent
ensemble & se deseichent
& recuisent ensemble
Sable de mine blanc des verriers
mesle de sel armoniac
Il se trouve en Cominge pres de la ville daurignac un sable blanc
mai comme du sel et maigre dont les verriers & potiers se servent
qui se rend impalpable broye sur le porphire & est aise a broyer
Et lestant il semble albastre calcine Il moule tresnet Et
nen ay point trouve qui moule plus delicat que cestuy la en bas
relief Il est excellent a mouler en noyau sans chassis layant broye
impalpable avecq de leau gommee ou pure sur le porphire puys le
posant espes comme moustarde ou un peu plus sur la medaille legerement
oincte dhuile ou dolive noix ou pour mieulx daspic Mays pour
mieulx faire mo laisse seicher de soy mesme sans foeu un jour ou
deulx Combien que si tu as haste tu le peulx bien chaufer & il ne
se fendra point sil nest pose trop cler Il est vray questant ainsy
surpris du chault a coup Il faict quelques trous & pustules
Ce quil ne faict pas estant seiche a froit ou A layse plustost
questre recuit Estant sec recuits le & il soubstiendra plusieurs
gects