089r - - - - - Sable dos de bœuf brusle
et sal gemme
Je les ay pulverises separement & subtilies sur le porphire le plus
que jay peu Puys jay mesle aultant dun que daultre & repasse
sur le porphire Je lay apres humecte dans un papier replie dans
une serviette mouillee qui est plus tost faict quau serain de la nuit
ou a lhumeur de la cave Et nen ay point trouve qui despouille plus
net que cestuy cy Il veult estre asses humide Et si tu le veulx gecter
fort tanvre fais quil soict plus chault Il est venu en estain doulx fort net
comme le principal Et ha soubstenu plusieurs gects Pour lestaim je
croy quil nen fault point chercher de meilleur Ne pour le plomb fin
aussy qui vient quasi plus net que lestaim Tou Los de pied de
bœuf est tousjours si aride tout seul que sans estre mesle
dune part ou deulx de quelque sable gras & ayant liaison comme
le tripoly les sels le foeultre les cendres & choses semblables
il ne despouilleroit pas & ne mouleroit pas net aussy car il sesmie
Recuire ou essuyer
un chassis moule
Mecte tousjours la plus delicate partye comme du visaige ensus
affin quil ny tumbe rien qui puisse empescher ta fusion
Sable naturel
Il ne veult pas estre recuict pour le plomb et estaim
m et est meilleur tout neuf & frais