088v - - - - - Sable de sel gemme pulverisé
et sable de mine subtilié sur le mabre
L’un et l’aultre estant fort subtiliés sur le mabre, aprés les
avoyr à sec fort pilés & battus dans le mortier, j’en ay meslé
aultant d’un que d’aultre, et les ayant repassés ensemble sur le
porphire & passés par le double tamis ou par manche de chemise
pour mieulx les mesler, je les ay mis dans du papier & posés
sur un mabre dans une cave. Dans une nuict, ilz ont esté asses
moictés d’eulx mesme sans les humecter dadvantaige, à cause que
le sel gemme, comme touts aultres sel, se dissoubt à l’humide. J’en ay
moulé fort net, à cause que tous deulx estoient fort subtils. Ilz
veulent estre f assés humides pour bien despouiller.
Sable mineral
La couleur de blanc et de jaulne n’importe. Le tout est qu’il soict
amatonné & comme tiré d’une pierriere ou roche, & tant plus on le prend
bas, il est meilleur. Les singnes de sa bonté est qu’il soict ainsy
amassé, et que se tirant en forme de pierre il vienne à lopins & qu
mattons qui demonstrent sa liaison & qu’il n’est pas trop maigre.
Que toutesfoys il soict frangible entre les mains & aye le grain
men fort menu & delyé & d’une mesme sorte. S’il n’est asses delyé,
tu le peulx passer & subtilier ou par l’eau ou par le tamis
& quand il ou par le porphire, & en ceste sorte, de sil maigre
ils devient comme gras & bien lié. Tu en peulx mouler en sa chassis
ou en noyau sans bourre & l’essayer avecq du plomb, car si
en iceluy il ne soufle point & gecte nect, il se portera bien aussy
au cuyvre. Aulcuns disent que les sables gras ne veulent
pas le metal gecté trop chault. Les artisans qui travaillent
en grand ouvrage &, qui pour le gain, n’ont pas besoing de broyer & chercher
les curiosités des sables artificiels, ont plus de proffict d’en chercher de
tout faict par nature, qui aye le grain le plus subtil qu’il sera possible,
& pour petit ouvraige ilz le passent seulement par le tamis. Mays
ceulx qui travaillent en petit le subtilient & broyent impalpable
pource qu’il ne leur en faict pas besoing beaucoup.
at left middle margin
Le bled orbere faict
une pouldre tanée, fort
subtile & fort doulce,
qui estant meslée
pourroit mesler mouler
fort net. Essaye
bled en farine
bruslé à feu
clos.