088v - - - - - Sable de sel gemme pulverise
et sable de mine subtilie sur le mabre
Lun et laultre estant fort subtilies sur le mabre apres les
avoyr a sec fort piles & battus dans le mortier Jen ay mesle
aultant dun que daultre Et les ayant repasses ensemble sur le
porphire & passes par le double tamis ou par manche de chemise
pour mieulx les mesler Je les ay mis dans du papier & poses
sur un mabre dans une cave Dans une nuict ilz ont este asses
moictes deulx mesme sans les humecter dadvantaige a cause que
le sel gemme comme touts aultres sel se dissoubt a lhumide Jen ay
moule fort net a cause que tous deulx estoient fort subtils Ilz
veulent estre f asses humides pour bien despouiller
Sable mineral
La couleur de blanc et de jaulne nimporte Le tout est quil soict
amatonne & comme tire dune pierriere ou roche & tant plus on le prend
bas il est meilleur Les singnes de sa bonte est quil soict ainsy
amasse et que se tirant en forme de pierre il vienne a lopins & qu
mattons qui demonstrent sa liaison & quil nest pas trop maigre
Que toutesfoys il soict frangible entre les mains & aye le grain
men fort menu & delye & dune mesme sorte Sil nest asses delye
tu le peulx passer & subtilier ou par leau ou par le tamis
& quand il ou par le porphire & en ceste sorte sil de maigre
il devient comme gras & bien lie Tu en peulx mouler en sa chassis
ou en noyau sans bourre & lessayer avecq du plomb car si
en iceluy il ne soufle point & gecte nect il se portera bien aussy
au cuyvre Aulcuns disent que les sables gras ne veulent
pas le metal gecte trop chault Les artisans qui travaillent
en grand ouvrage & qui pour le gain nont pas besoing de broyer & chercher
les curiosites des sables artificiels ont plus de proffict den chercher de
tout faict par nature qui aye le grain le plus subtil quil sera possible
& pour petit ouvraige ilz le passent seulement par le tamis Mays
ceulx qui travaillent en petit le subtilient & broyent impalpable
pourcequil ne leur en faict pas besoing beaucoup
at left middle margin
Le bled orbere faict
une pouldre tanee fort
subtile & fort doulce
qui estant meslee
pourroit mesler mouler
fort net Essaye
bled en farine
brusle a foeu
clos