088r - - - - - Visme
Il se peult planter comme la ronce des deulx costes & ceulx qui
plantent le gros pied contre mont disent quil faict plus grosse
souche Mays il ny ha que la poincte en hault car il croist
plus hault
Mortiers
Les mortiers de cuivre fin ne jectent point de foeu pourveu que
le pilon de fer ne soict point trempe Si faict bien le mortier de
metal pource quil est aigre On faict pour ceste occasion le
fons des grands mortiers de cuivre fin
Vernis
Huile de tormentine Tormentine & bonne eau de vye pour le
rendre desiccatif Fais chaufer sans mesler sur le rechault
affin quil se mesle pu de soymesme en fondant Apres esprouve
sur un costeau bien net & tu cognoistras la sil ha asses de corps
& sil ne coule point trop
Hanter
On trouve par experience que le greffe qui est ha son entree
dans linsition du coste du soleil prend bien peu souvent Quand il
est aussy tortu
Boulangier
La poulsiere garde le bled de cussonner Et pour le bien
nettoyer quand il est tache & comme rouille Passe des cendres
par le tamis & les mesle avecq le bled puys bellute
le tout avecq un belluteau de grosse toile ou canevas
les cendres passeront & ton bled demeurera jaulne net & fort
beau
Estain de glace
Il faict la matiere plus blanche