087v - - - - - Sable, ardoise, et terre bruslée
Le sable fort bruslé perd sa liaison. L’ardoise se recuit
& moule net. Aprés il est vray que souvent elle soufle, comme faict
aussy la terre bruslée, comme faict aussy tout sable gras.
at left top margin
Je trouve qu’il ne fault
poinct frapper sur les sables fort subtiliés,
car cela les estonne & faict empesche de
despouiller net.
Mays il fault
presser fort
et les humecter
assés.
Magistra
Les fondeurs prenent de la racine de jeune orme quand il
est en save, & le font bouillir en vin ou pour mieulx vinaigre,
et en font provision pour tout l’an dans un barriquet.
Sable de mine de Thoulouse
Le sable de gect venant de mine, estant passé par un double
tamis, aprés mis dans de la gemme fondue, se brusle & s’enflamme,
& vient tout rouge & enflammé comme du fer. Estant froit, il est
tout noir, et se subtilie fort bien sur le porphire. L’ayant
ainsy praeparé & rendu sans asperité sur l’ongle, je l’humectay avecq
glaire d’oeuf battue & le battis fort, jusques à ce qu’il n’estoit point
pasteux ains en pouldre. Je le trouvay de fort bonne despouille,
& en moulay en plomb & estaim fort net. Mays il veult estre
bien recuit & à l’aise.
Aultres le battent fort dans un mortier, en petite quantité à
chasque fois, & ainsy il s’arache et rend fort subtil. Puys le recuisent
mediocrement, seulement pour le seicher. Aprés ilz le broyent à sec
sur le porphire. Et ainsy il se rend comme impalpable et n’est pas trop
deseiché, Il et retient corps & liaison de la terre dont il participe,
et est mieulx que quand il est tant bruslé. Estant humecté avecq
glaire d’oeuf passé par l’esponge, il despouille fort net M fort
net en bas relief, mays non pas figures fort relevées. Partant,
despuys j’experimentay de lexper l’humecter seulement avecq du
vinaigre bien fort. Il despoilla d’une figure qu’auparavant
je n’avoys peu faire despoiller. Et croy que, moillant le plus
subtil d’une fasson comme de glaire & le grossier, pour remplir de
chasses d’eau sel, ou vin, qu’ilz ne s’allient pas si bien. Mays
comme ilz sont d’une nature & humectés de mesme, ils s’embrassent
& tient l’un avecq l’aultre.
Pour bien mouler, aprés avoyr tes sables praeparés,
moule en un jour. Recuits lentement le lendemain, puys jectes l’aultre.
at left middle margin
Il le fault choisir
qui soict comme en
glebes & mottes, bien
bas en terre, car
communement celuy qui se
trouve en hault participe trop de
la terre, et le bas
tient du rocher.
at left middle margin
J’en ay moulé de
plomb pur gecté fort
net chault, & en ay
eu l’exemple comme le
principal tres net,
mays le vinaigre
ne luy donne gueres
de liaison, & ainsy
il n’ha soubstenu
qu’un gect.