087v - - - - - Sable ardoise et terre bruslee
Le sable fort brusle perd sa liaison lardoise se recuit
& moule net apres il est vray que souvent elle soufle comme faict
aussy la terre bruslee comme faict aussy tout sable gras
at left top margin
Je trouve quil ne fault
poinct frapper sur les sables fort subtilies
car cela les estonne & faict empesche de
despouiller net
Mays il fault
presser fort
et les humecter
asses
Magistra
Les fondeurs prenent de la racine de jeune orme quand il
est en save & le font bouillir en vin ou pour mieulx vinaigre
Et en font provision pour tout lan dans un barriquet
Sable de mine de Thoulouse
Le sable de gect venant de mine estant passe par un double
tamis apres mis dans de la gemme fondue se brusle & senflamme
& vient tout rouge & enflamme comme du fer Estant froit il est
tout noir Et se subtilie fort bien sur le porphire layant
ainsy præpare & rendu sans asperite sur longle je lhumectay avecq
glaire dœuf battue & le battis fort jusques a ce quil nestoit point
pasteux ains en pouldre Je le trouvay de fort bonne despouille
& en moulay en plomb & estaim fort net Mays il veult estre
bien recuit & a laise
Aultres le battent fort dans un mortier en petite quantite a
chasque fois & ainsy il sarache et rend fort subtil puys le recuisent
mediocrement seulement pour le seicher apres ilz le broyent a sec
sur le porphire Et ainsy il se rend comme impalpable Et nest pas trop
deseiche Il et retient corps & liaison de la terre dont il participe
Et est mieulx que quand il est tant brusle Estant humecte avecq
glaire doeuf passe par lesponge il despouille fort net M fort
net en bas relief Mays non pas figures fort relevees Partant
despuys jexperimentay de lexper lhumecter seulement avecq du
vinaigre bien fort Il despoilla dune figure quauparavant
je navoys peu faire despoiller Et croy que moillant le plus
subtil dune fasson comme de glaire & le grossier pour remplir de
chasses deau sel ou vin quilz ne sallient pas si bien Mays
comme ilz sont dune nature & humectes de mesme Ils sembrassent
& tient lun avecq laultre
Pour bien mouler apres avoyr tes sables præpares
moule en un jour recuits lentement le lendemain puys jectes laultre
at left middle margin
Il le fault choisir
qui soict comme en
glebes & mottes bien
bas en terre car
communement celuy qui se
trouve en hault participe trop de
la terre Et le bas
tient du rocher
at left middle margin
Jen ay moule de
plomb pur gecte fort
net chault & en ay
eu lexemple comme le
principal tresnet
mays le vinaigre
ne luy donne gueres
de liaison & ainsy
il nha soubstenu
quun gect