[TOC] | [translation]

[continued]

soufle Sur tout fais que le gect soict tousjours plus hault
que la chose moulee pourceque bien souvent le sable en recuisant
senfle & si le par ce mesmement sur le milieu & par ainsy la
chose moulee demeurant plus haulte que le gect le metal
ny peult courre a laise ou du tout ny entre poinct Fais
aussy que le moule & le gect soient bien recuits Gecte
aussy a coup & hors du vent Et si ta medaille est fort
tanvre mects une carte ou deulx ou trois espesseurs de papier
dessoubs quand tu la vouldras mouler En ceste sorte le
moule sera plus bas que le gect Gecte aussy par lendroit
que ta medaille sera plus es moins espesse & ou il y aura
moings de relief

Sable excellent pour plomb
estain et cuivre

D

Despuys je moulay dos brusle de mache de fer & feultre
brusle fort pulverises & subtilies sur le mabre et bien
mesles ensemble Je les humectay bien fort avecq glaire
doeuf battue Et en ayant comme des aultres couvert la medaille
puys remply le chassis de sable de mine Je frappay
mediocrement Je le trouvay de fort bonne despouille & moulay
fort net Je le laissay reposer toute une nuit Le lendemain
matin je le fis recuire peu a peu lespace de sept ou huict
heures (car sil est possible il ne fault quil reste
aulcune humidite au chassis) Je y gectay deulx foys
cuivre allie de ☾ comme vieulx K. La matiere vint fort
belle lustre & sonante & sans chappe Et mon sable ne se
corrompist aulcunement Despuys je y gectay plusieurs
gects de plomb doux & destain qui vindrent le mieulx &
plus nects que nul aultre que neusse trouve encores

Quand tu moules fais certains traicts aultour de ton
moule dans le chassis affin dattirer la matiere de tous costes
en ceste sorte

Figure

Le potin de seringue & aultres co ouvrages court mieulx
encores que le fin laitton Mays je croy quil est mieulx moictie
cuivre & moictie letton qui ont servi & ont este en ouvrage fort
tanvre comme de poelonne & semblables Jay veu bien venir ceste
mixture de moictie

[continued]