086r - - - - - [continued]
de la matiere de poelone meslée d’une bossette qui est potin.
Et auparavant j’avoys tellement recuit mon chassis moulé, ores
à la flamme de mon forneau, ores mectant des charbons
allumés dessus, qu’il estoit venu comme rouge. Je l’ay laissé
refroidir et ay gecté. Il est venu fort net de relief d’un
costé & cave de l’aultre, tant figure que les lettres. Il est
vray que la matiere estoit blanchastre, comme quasi metalline,
mays c’estoit à cause du potin. J’ay faict un aultre gect
de matiere de poelonne seule dans mesme sable, mays non
pas si recuit, il n’est pas bien venu.
Despuys j’ay moulé d’os de pied de bœuf bruslé, pulverisé
& tamisé par un double tamys, & hum fort humecté avecq
glaire d’oeuf ou vin bouilly avecq racine d’orme. J’ay
mediocrement frappé dessus en moulant. Ayant deffaict le
ouvert le chassis, je trouvay que les figures n’avoient point
despouillé net, & laissoient les moules comme farineux, & s’esmiant.
Je les humectay dadvantaige le sable d’os de sorte qu’il
faisoict bonne prise en la entre les doigts, et en ceste sorte
je moulay net avecq bonne despouille. Et encores qu’il semblast
que l’os pulverisé fust grossier, si est ce qu’y gectant matiere
de poelonne, il me raporta mes figures fort nettes. Il est
vray que j’avoys fort fort recuit mon chassis, il ne
soubstint qu’un gect. Je trouve que quand un sable
est tellement subtilié qu’il se rend dansse comme ceruse & uny comme
sans le cognoistre aride, rare, areneulx & comme spongieulx, qu’il
moule bien net, mays il ne reçoit pas si bien le metal comme s’il
estoit poreulx pour supper la matiere. Ains, estant gras & uny,
il soufle & ne reçoit point les traicts subtils. Je croy que
le secret de bien gecter gist de trouver un sable qui
reçoive bien le metal, l’un pour le plomb, l’aultre pour un
aultre, car chascun en ha son particulier. Qu’il soict moulé
à l’aise & curieusement, puys laisse faire compaction de soy
mesme quelques jours, si tu en as le loisir. Et aprés le faire
tres bien recuire, non à coup ne à grand foeu, mays peu à peu,
aultrement, il s’esmie & ha tousjours quelque deffault. Enfin
il fault que tu gectes le cuivre ou letton ou les aultres grands
metaulx fort chauls, & s’il est possible en grande quantité de
matiere, qui contient beaucoup plus de chaleur que petite quantité.
Il fault que le chassis soit froid & que tu gectes à coup. Lutte
tousjours l’entrée de ton chassis, car le metal, touchant le fer ou metal
at left top margin
Cest os veult
estre fort pilé
dans un mortier,
et ne veult pas
estre fort recuit
pource qu’il s’esmie.
[continued]