Making and Knowing
A minimal edition of BnF Ms Fr 640

[TOC] | [translation]

- - - - - folio image: 086r - - - - -

[continued]

de la matiere de poelone meslee dune bossette qui est potin
Et auparavant javoys tellement recuit mon chassis moule ores
a la flamme de mon forneau ores mectant des charbons
allumes dessus quil estoit venu comme rouge Je lay laisse
refroidir Et ay gecte Il est venu fort net de relief dun
coste & cave de laultre tant figure que les lettres Il est
vray que la matiere estoit blanchastre comme quasi metalline
Mays cestoit a cause du potin Jay faict un aultre gect
de matiere de poelonne seule dans mesme sable Mays non
pas si recuit Il nest pas bien venu

Despuys jay moule dos de pied de bœuf brusle pulverise
& tamise par un double tamys & hum fort humecte avecq
glaire doeuf ou vin bouilly avecq racine dorme jay
mediocrement frappe dessus en moulant Ayant deffaict le
ouvert le chassis je trouvay que les figures navoient point
despouille net & laissoient les moules comme farineux & sesmiant
Je les humectay dadvantaige le sable dos de sorte quil
faisoict bonne prise en la entre les doigts Et en ceste sorte
je moulay net avecq bonne despouille Et encores quil semblast
que los pulverise fust grossier Si est ce quy gectant matiere
de poelonne
Il me raporta mes figures fort nettes Il est
vray que javoys fort fort recuit mon chassis Il ne
soubstint quun gect Je trouve que quand un sable est
tellement subtilie quil se rend dansse comme ceruse & uny comme
sans le cognoistre aride rare areneulx & comme spongieulx quil
moule bien net Mays il ne recoit pas si bien le metal comme sil
estoit poreulx pour supper la matiere Ains estant gras & uny
il soufle & ne recoit point les traicts subtils Je croy que
le secret de bien gecter gist de trouver un sable qui
recoive bien le metal lun pour le plomb laultre pour un
aultre car chascun en ha son particulier Quil soict moule
a laise & curieusement Puys laisse faire compaction de soy
mesme quelques jours si tu en as le loisir Et apres le faire
tres bien recuire non a coup ne a grand foeu Mays peu a peu
aultrement il sesmie & ha tousjours quelque deffault En fin
il fault que tu gectes le cuivre ou letton ou les aultres grands
metaulx
fort chauls & sil est possible en grande quantite de
matiere qui contient beaucoup plus de chaleur que petite quantite
Il fault que le chassis soit froid & que tu gectes a coup Lutte
tousjours lentree de ton chassis car le metal touchant le fer ou metal

at left top margin

Cest os veult
estre fort pile
dans un mortier
Et ne veult pas
estre fort recuit
pource quil sesmie

[continued]