085v - - - - - Fondeur
Ils meslent de la glaire d’oeufs battue avecq la terre de quoy ilz
font la premiere couche de la chappe de pieces & cloches & toutes
aultres pieces disant que ladicte glaire faict venir d nect & faict
poser & asseoir la matiere En noyau pour petit ouvraige la glaire est
bonne aussy
La rosette pour venir net veult un peu le moule chault & le plomb
qui a este mesle avecq la rosette aussy mesmement en petit ouvraige
Mortiers
Ils fault quilz soient de la plus fine matiere qui se puisse comme
le cuivre de chauldron qui est meilleur que la rosette Affin
quil soubstienne le coup mieulx.
Les mortiers aussy pour piler sont plus forts & moings
dangereulx de se rompre sils sont de cuivre fin Et pour une
mayson particuliere ilz ne sonnent point tant & ne menent point tant
de bruict que ceulx de metal Il est vray que ceulx qui sont de
metal sont plus sonans pour les apothiquaires
Les grenades doibvent estre de fin metal
Sable de mine
Il veult estre bien recuict pour les grands metaulx Aulcuns
le bruslent au four jusques a ce quil soict bien noir Et le
subtilient sur le porphire Aultres le bruslent avecq de
laspalte @Mays quand il est trop brusle il ne moule pas si net
pourcequil nha pas de corps et est trop maigre tu luy en pourras donner avecq du tripoly ou
feultre brusle
Sables experimentes
Jay experimente le sable de Thoulouse & apres lavoyr bien recuit
par deulx fois dans une poilonne Je lay passe par un
subtil tamis comme le double des apothiquaires sans le subtilier
dadvantaige sur le porphire comme javoys faict aultresfoys
Je lay humecte de vin boully avecq racine dorme Et en ay
moule une grande piece dun portraict de Jesus Je lay trouve
de fort bonne despouille sans que jeusse trop frappe dessus
Jen & a moule net dun coste de relief & de laultre de cave
& de lespesseur dune piece de quarante sols Jay gecte treschault
at left bottom margin
X
at left bottom margin
Le sable de mine
bien choisy & bien
recuit est le plus
excellent de tous sans
chercher toutes aultres
mixtions pourcequil
recoit tout metal Il
ne veult pas estre
employe chault pourceque
il soufle Le plus
subtil pour grand
ouvrage nest pas le
meilleur pourcequil
nha pas asses de corps
pour soubstenir
[continued]