Making and Knowing
A minimal edition of BnF Ms Fr 640

[TOC] | [translation]

- - - - - folio image: 085r - - - - -

[continued]

reposer sur un table bien nette & unie & comme elle est desiccative
jay cogneu quelle sessuyoit lor Ce que jay laisse un peu faire
pour la reduire en pouldre & en mouler avecq le sable Estant
bien esmenuisee avecq les doigts & le tranchant dun costeau Jay huile
ma medaille pourceque lhuile la nettoye sans la gaster Et Et
layant essuiee & nettoye avecq un linge & des sayettes de pourceau
Je lay encore legerement ointe dhuile de noix clair & doulcement ay
passe un linge par dessus affin quelle ne demeurast pas trop oincte
Et ay considere que par ce moyen elle viendroit bien en despouille
pourceque la ceruse estant humectee deau de glaire doeuf ne
sattaqueroit point a lhuile Cela a tresbien reuscy Et en ay
moule tresnet une medaille de grand relief sans faire aulcune
prinse a quoy beaucoup de bons sables comme le feultre los brusle
& la mache de fer avoyent bien failly du premier coup Je lay
recuit & mon moule est venu dur comme mabre Et ay cogneu par
la que les sables pour mouler grand relief doibvent estre fort
humectes de quelque eau qui leur donne corps & compaction Comme la
glaire eau gommee ea vin bouilly avecq racine dorme & Et huiler
legerement la medaille Il soubstient tant de gects que tu
vouldras car il est dur comme verre Mays le plomb doux &
lestaim aigre v mesmes veulent estre gectes fort chaulx

Despuys jay aperceu que ce sable bien quil soict excelent & endure beaucoup
de gects & moule bien net Toutesfois il est gras et faict soufler
Ainsy le plomb doux et le ny vient pas si bien Mays essaye de le
mesler avecq un sable maigre comme la ponce lescaille & semblables
pour leur donner corps & affin quil despouillent mieulx Car les sables
maigres
ne despouillent gueres bien Et toutesfois ilz recoyvent bien
le metal

at left top margin

Essaye de
mesler la
ceruse ou minium
avecq les aultres
sables

at left top margin

X

at left top margin

Huile & oingts
dhuile daspic qui
sen yra en recuisant
car lhuile faict
soufler

at left middle margin

Il fault fort
mouiller avecq la
glaire puys le
mesler bien Et
estant dans le
chassis frapper
avecq un pilon
ou chose propre
dessus Car cela
faict mieulx mouler
et mieulx despouiller

at left middle margin

Il seroit bon de
remplir les chassis
tout dun Car le
meslenge qui se faict
de plusieurs sables
avecq celuy de mine
dont tu remplis le
chassis le corrompt

Vernis vert pour les medailles de cuivre

Les ayant gectees bien nettes couvre les de sel de verre
duquel nous usons pour sable & lhumecte & en trois ou 4 jours
il sera vert huile les apres & les tiens soubs le fient

Colle

Les flamens recollent leurs pots de terre avecq de lor coleur
cest a dire minium massicot & vernis