084v - - - - - Sable
J’ay essayé l’os de pieds de bœuf fort bruslé & pulverisé & broyé
bien fort sur le porphire, jusques à ce qu’il ne se sente
point entre les doigts. Il moule tout seul fort net. Mays
pource que de soy mesme il est aride & maigre, il veult estre
fort mouillé & humecté avecq vin bouilly avecq racine d’orme.
La mache de fer, l’os de pieds de bœuf fort bruslé, le feultre
aussy fort bruslé à foeu clos, et tout trois fort subtillés
sur le porphire moulent fort nect en plomb, sans qu’il soit
besoing de les recuire beaucoup, & gectant le au chassis chault
ou froit.
Le feultre seul moule fort net estant mouillé & despouille
bien, et faict aussy despouiller les aultres deulx.
at left top margin
Ces sables ne
soubstiennent
qu’un gect.
at left top margin
Un sable
gras qui se rend
si uny faict
soufler.
at left middle margin
Un metal gras
demande sable
maigre.
Eau magistra
Aulcuns trouvent que l’eau sel n’est pas bonne, pource que
le sel pette au foeu, & par consequent doibt faire soufler.
Il n’y a que le vin bouilly avecq racine d’orme.
Le charbon pour poncer faict bien despouiller, mays
on trouve que celuy de saule faict soufler. Celuy de chaisne
ou fayan faict bien sans soufler.
at left middle margin
Essaye huitres bruslées.
Plomb
Pour gect il n’y a que le plomb doux, qui veult estre gecté
fort g chault, et l’estaing douls.
Sable pour le plomb le plus
excellent de tous pour grand relief
et petit
J’ay prins de la ceruse et l’ay broyée à sec sur le porphire,
pour la faire bien subtile, puys je l’ay tellement humectée avecq
de la glaire d’oeuf fort battue qu’elle estoit comme paste, s’unissant
avecq le plat d’un costeau en perfection. Je l’ay un peu laisser
at left bottom margin
X
at left bottom margin
Il la fault bien
mesler avecq le
costeau.
[continued]