084r - - - - - Masque in promptu
Moules du papier & le pose sur le visaige de quelq’un qui fasse
laide grimace. Laisse seicher & prens ton patron pour
paindre de là.
& enleveures. Il ne fault pas aussy qu’il soit trop humide
pour les raisons susdictes. Recuits le aussy peu à peu. Et si, aprés
l’avoir moulé, tu le laissois seicher lentement en quelque lieu sec,
& non à grand foeu, il seroit mieulx, car quand on l’expose
tout à coup à grande chaleur, il s’envele. Je croy que le recuire
à la gueule du four aprés que le pain en est tiré seroit fort
propre. Il ne fault point plaindre la peyne de le bien acommoder,
car il soubstient tant de gects que tu vouldras, à cause qu’il se
rend dur comme mabre, & tu le peulx polir & le moule ne se peult
gaster. Ayant servy, pile le & tamise de nouveau, sans toutesfois
estre curieulx de le rendre si subtil, I car estant seulement passé par
un commun tamis, il ha plus de force que et despouille mieulx que quand
il est si subtil.
Eau magistra
Fais dissouldre le sel gemme ou sel suin de verre subtilement
pulverisé & mis sur un mabre dans une cave, & il se desseichera
en recuisant le moule & luy donnera une liaison pour soubstenir
plusieurs gects. Essaye de humecter avecq huile de tartre.
Farine
Moulue aulx advents de Noel, se garde tout l’an.
Sable de mine de Thoulouse
Le sable de Thoulouse, qui se prend au costau de Puy David, bien
profond en terre, est excellent de soy mesme, mays pour luy faire
soubstenir plusieurs gects je le mesle avecq le suin de verre pulverisé
& humecté, qui l’endurcist, & prend corps & liaison avecq luy, & luy
faict soustenir plus de cinq tant de gects que tu vouldras.
Essaye de humecter le verre pilé et aultres seables
avecq les eaulx des susdicts sels. Il veult estre, comme tout sable naturel,
bien recuit plustost que le mectre en oeuvre. On le pulverise pource qu’il est en motte,
puys on le recuist dans une chauldiere de cuivre ou semblable, jusques à ce qu’il ne
fume plus.
at left bottom margin
Il le fault
recuire plus
tost que s’en
servir. Il se
rend meilleur
au gect pour
ce qu’il se
recuist, mays
quand il ha
beaucoup servy,
il le fault
rafreschir avecq
du nouveau.