084r - - - - - Masque in promptu
Moules du papier & le pose sur le visaige de quelqun qui fasse
laide grimace laisse seicher & prens ton patron pour
paindre de la
& enleveures Il ne fault pas aussy quil soit trop humide
pour les raisons susdictes Recuits le aussy peu a peu Et si apres
lavoir moule tu le laissois seicher lentement en quelque lieu sec
& non a grand foeu il seroit mieulx Car quand on lexpose
tout a coup a grande chaleur il senvele Je croy que le recuire
a la gueule du four apres que le pain en est tire seroit fort
propre Il ne fault point plaindre la peyne de le bien acommoder
Car il soubstient tant de gects que tu vouldras a cause quil se
rend dur comme mabre & tu le peulx polir & le moule ne se peult
gaster Ayant servy pile le & tamise de nouveau sans toutesfois
estre curieulx de le rendre si subtil I car estant seulement passe par
un commun tamis il ha plus de force que et despouille mieulx que quand
il est si subtil
Eau magistra
Fais dissouldre le sel gemme ou sel suin de verre subtilement
pulverise & mis sur un mabre dans une cave & il se desseichera
en recuisant le moule & luy donnera une liaison pour soubstenir
plusieurs gects Essaye de humecter avecq huile de tartre
Farine
Moulue aulx advents de Noel se garde tout lan
Sable de mine de Thoulouse
Le sable de thoulouse qui se prend au costau de puy david bien
profond en terre est excellent de soymesme Mays pour luy faire
soubstenir plusieurs gects Je le mesle avecq le suin de verre pulverise
& humecte qui lendurcist & prend corps & liaison avecq luy & luy
faict soustenir plus de cinq tant de gects que tu vouldras
Essaye de humecter le verre pile et aultres seables
avecq les eaulx des susdicts sels Il veult estre comme tout sable naturel
bien recuit plustost que le mectre en oeuvre On le pulverise pource quil est en motte
puys on le recuist dans une chauldiere de cuivre ou semblable jusquees a ce quil ne
fume plus
at left bottom margin
Il le fault
recuire plus
tost que sen
servir Il se
rend meilleur
au gect pour
ce quil se
recuist Mays
quand il ha
beaucoup servy
il le fault
rafreschir avecq
du nouveau