083v - - - - - Forme de mouler excellente
avecq eau
Fais dissouldre en lieu humide de l’axunge de verre
et puys pose ceste eau sur ce que tu veulx mouler, l’ayant
entourné d’un cercle, et le poses à coaguler sur cendres
chauldes. Fais de mesme du vitriol & couperoses qui
estant fort calcinés, & reduits en eau.
Mouler de relief d’une part
et creux de l’aultre
Il en fault gecter deulx pieces de cuivre, letton ou
metal semblable, fort nettes, et puys quand tu auras
moulé le cave dans le sable, laisse la figure de metal
que tu as moulée dans le chassis, sans la bouger de
sa place. Et gecte, & s’il n’a assés d’espesseur presse un
peu & enfonce dans le chassis la figure.
Il est bon de mouler tousjours les visages non pas
du costé du gect, mays la teste en bas, pource que la
force de la matiere est à l’antrée de la medaille, & là
où est la force, la crasse & ordure s’y retire. Et en ceste
sorte, si tu moulois le visaige vers le gect, quelque ordure
s’i pourroit trouver, & il vault mieulx qu’elle se trouve au
vestement, qui se peult mieulx reparer.
Le vinaigre est mieulx pour humecter que le vin.
Il fault que le chassis soict bien uny et esgal, aultrement
Et que le gect soi comme tu presses d’un costé, il s’esleve de
l’aultre.
C’est pour quoy la presse est meilleure, car elle serre uniment
& plus que les mains, et faict que le sable grossier qui est
humide communique de son humidité au sable doulx & subtil qui
est saulpouldré & poncé sec sur la medaille.
Quand tu moules, laisses tousjours vostre medaille dans l’ung
des chassis Est sans la remuer pource que, si ton cave n’est pas moulé bien net,
tu luy peulx remectre justement par le moyen des chevilles, qui le
garderont de varier. Mays ponce premierement ta medaille de charbon
de saule fort subtile & se aprés la nettoye, car cela la desgraisse
& faict qu’aprés elle se despouille mieulx.
Ne frappe pas en moulant car cela estonne le chassis & le sable.
at left middle margin
** Souflets **
Pour fondre à souflets &
advancer ta fonte & gecter aussy plus chault
po ne pose pas tes
souflets bas vers
le pied du fourneau,
de peur que quelque
charbon n’y tu entre,
mets les presque
dessoubs la grille.
Il est bon que ton
four à vent soit
en lieu airé, affin
que le vent fasse
mieulx chaufer
& qu’il soict bien
essuit & recuit.
Il fault bien
boucher les portes
du four & qu’il
n’y aye que l’entrée
de la tuelle des
souflets. Et
sur la fin, il
fault donner fort
de chasse, comme au
commancement, tu
soufleras lentement.