083v - - - - - Forme de mouler excellente
avecq eau
Fais dissouldre en lieu humide de laxunge de verre
Et puys pose ceste eau sur ce que tu veulx mouler layant
entourne dun cercle Et le poses a coaguler sur cendres
chauldes Fais de mesme du vitriol & couperoses qui
estant fort calcines & reduits en eau
Mouler de relief dune part
et creux de laultre
Il en fault gecter deulx pieces de cuivre letton ou
metal semblable fort nettes Et puys quand tu auras
moule le cave dans le sable Laisse la figure de metal
que tus as moulee dans le chassis sans la bouger de
sa place Et gecte & sil na asses despesseur presse un
peu & enfonce dans le chassis la figure
Il est bon de mouler tousjours les visages non pas
du coste du gect mays la teste en bas pourceque la
force de la matiere est a lantree de la medaille & la
ou est la force la crasse & ordure sy retire Et en ceste
sorte si tu moulois le visaige vers le gect quelque ordure
si pourroit trouver & il vault mieulx quelle se trouve au
vestement qui se peult mieulx reparer
Le vinaigre est mieulx pour humecter que le vin
Il fault que le chassis soict bien uny et esgal aultrement
Et que le gect soi comme tu presses dun coste il sesleve de
laultre
Cest pourquoy la presse est meilleure car elle serre uniment
& plus que les mains Et faict que le sable grossier qui est
humide communique de son humidite au sable doulx & subtil qui
est saulpouldre & ponce sec sur la medaille
Quand tu moules laisses tousjours vostre medaille dans lung
des chassis Est sans la remuer pourceque si ton cave nest pas moule bien net
Tu luy peulx remectre justement par le moyen des chevilles qui le
garderont de varier Mays ponce premierement ta medaille de charbon
de saule fort subtil & se et apres la nettoye Car cela la desgraisse
& faict quapres elle se despouille mieulx
Ne frappe pas en moulant car cela estonne le chassis & le sable
at left middle margin
** Souflets **
Pour fondre a souflets &
advancer ta fonte & gecter aussy plus chault
po ne pose pas tes
souflets bas vers
le pied du fourneau
de peur que quelque
charbon ny tu entre
Mets les presque
dessoubs la grille
Il est bon que ton
four a vent soit
en lieu aire affin
que le vent fasse
mieulx chaufer
& quil soict bien
essuit & recuit
Il fault bien
boucher les portes
du four & quil
ny aye que lentree
de la tuelle des
souflets Et
sur la fin il
fault donner fort
de chasse comme au
commancement tu
soufleras lentement