083r - - - - - Sable @ pour le plomb
Recipe suye grise du fourneau des argentiers, chaulx vive, et
farine ana, humecté selon l’art, estant le plus subtilié qu’il te sera
possible.
at left top margin
La suye grise des sarruriers
qui se tient à leur forge est fort
subtile estant broyée, moule fort net
& despouille
fort bien.
Sable pour medailles de cuivre
Recipe feultre de chappeau bruslé à feu couvert, mache de fer, & os bruslé tout
fort subtillement broyé & pilé & arrousé avecq eau sel, & en fais
paste & moule & essuye à feu de paille. @Ces trois sables pulverisés
et subtiliés bien fort sur le porphire moulent fort, et croy que separement chascun
est fort bon. Le feultre bruslé moule fort net et despose
fort net.
at left top margin
Le plastre
moule bien net
mays il
soufle.
L’os n’ha guere
de corps, si a
bien la mache
de fer. Le
feultre faict
despouiller.
Aultre sable
Charbon de sarment, & terre argille bien recuitte & bien tamisée,
tant d’un que d’aultre, & le joindre ensemble avecq glaire d’oeufs
bien battue, puys le faire calciner dans le four, & pour en user
le destremper en vinaigre.
Aultre pour le plomb
Recipe ardoise subtillement pillée, & pierre ponce calcinée meslée tout ensemble.
Calcines les dans un pot bien couvert & estoupé à bon foeu par trois
fois, & à chasque fois destrempes les avecq du vernis.
Aultre
Recipe p tuile peu cuitte, broyée & destrempée de vin blanc avecq du
papier de trasse noir bruslé. Et si tu y adjoustes de la fiente de
cheval bruslée, elle n’en sera que meilleure. Humecte avecq glaire d’oeuf.
at left bottom margin
Le papier de
trasse bruslé
à foeu clos se
reduict comme en
charbon & noir
fort doulx, moule
net & faict bien
despouiller
meslé parmy les
aultres.
Sable excellent
Albastre calciné dans un crusol à foeu de charbon tant qu’en le
touchant il vienne en pouldre. Estant froit, pulverisés le subtilement,
& passés par un double tamis, & le rendés comme impalpable. Et d avecq
une lb de albastre, il fault une ℥ de sel armoniac. Meslés bien
& incorporés tout ensemble, puys le mettés dans une cave cave ou
lieu humide. Et de ceste paste moullés ce qu’il vous fauldra, & aprés
seichés le moule au foeu, & y gectés tel metal qu’il vous plaira,
pendant que le sable est chault. Et vous gecterés aussy net que le principal;
& le sable sert tousjours, le mectant en lieu humide & seichant au foeu.