083r - - - - - Sable @pour le plomb
Recipe suye grise du fourneau des argentiers chaulx vive et
farine ana humecte selon lart estant le plus subtilie quil te sera
possible
at left top margin
La suye grise des sarruriers
qui se tient a leur forge est fort
subtile estant broyee moule fort net
& despouille
fort bien
Sable pour medailles de cuivre
Recipe feultre de chappeau brusle a feu couvert mache de fer & os brusle tout
fort subtillement broye & pile & arrouse avecq eau sel & en fais
paste & moule & essuye a feu de paille @Ces trois sables pulverises
et subtilies bien fort sur le porphire moulent fort et croy que separement chascun
est fort bon Le feultre brusle moule fort net et despose
fort net
at left top margin
Le plastre
moule bien net
mays il
soufle
Los nha guere
de corps Si a
bien la mache
de fer Le
feultre faict
despouiller
Aultre sable
Charbon de sarment & terre argille bien recuitte & bien tamisee
tant dun que daultre & le joindre ensemble avecq glaire doeufs
bien battue puys le faire calciner dans le four & pour en user
le destremper en vinaigre
Aultre pour le plomb
Recipe ardoise subtillement pillee & pierre ponce calcinee meslee tout ensemble
calcines les dans un pot bien couvert & estoupe a bon foeu par trois
fois & a chasque fois destrempes les avecq du vernis
Aultre
Recipe p tuile peu cuitte broyee & destrempee de vin blanc avecq du
papier de trasse noir brusle & si tu y adjoustes de la fiente de
cheval bruslee elle nen sera que meilleure humecte avecq glaire doeuf
at left bottom margin
Le papier de
trasse brusle
a foeu clos se
reduict comme en
charbon & noir
fort doulx moule
net & faict bien
despouiller
mesle parmy les
aultres
Sable excellent
Albastre calcine dans un crusol a foeu de charbon tant quen le
touchant il vienne en pouldre Estant froit pulverises le subtilement
& passes par un double tamis & le rendes comme impalpable Et d avecq
une lb de albastre il fault une ℥ de sel armoniac Mesles bien
& incorpores tout ensemble Puys le mettes dans une cave cave ou
lieu humide et de ceste paste moulles ce quil vous fauldra & apres
seiches le moule au foeu & y gectes tel metal quil vous plaira
pendant que le sable est chault & vous gecteres aussy net que le principal
& le sable sert tousjours le mectant en lieu humide & seichant au foeu