082v - - - - - Horlogeurs
Ancienement ilz destrempoient leurs ressorts les plongeant
dans du plomb fondu. Mays aujourd’huy ilz trempent
leurs ressorts touts droits & les replient estant trempés,
qui est un beau secret.
Gecter plomb en plomb
Il y en ha qui font leurs caves de plomb espés puys
y gectent plomb.
Le plomb n’estant pas gecté assés chault est blanc,
& plus noir quand il est gecté bien chault.
at left top margin
On peult faire
moule de plomb
. & pour y gecter
fumer avecq du noir
de chandelle.
Mays il n’est
jamays si net.
at left top margin
Jamays le plomb
ne vient si net
que @ l’estaing.
Sable
S’il est trop gras, il le fault recuire et le repasser.
Forme de gecter en bronze
Le laitton de potin cor, qui est le plus aigre, moule plus net
selon l’opinion de plusieurs que le laitton fin de cassole, comme tout letton
fin moule plus net que le cuivre rouge. Si tu veulx gecter quelque
chose subtile & tanvre, tout le secret est de gecter le plus chault
qu’il te sera possible, de sorte que la matiere bouille. Tu
cognoistras qu’il est bien chault quand il fume fort, et quand
en le remuant il gecte des estincelles. Pour bien chaufer, colloque
ton creuset au plus bas & au ras de la forge affin que les
souflets fra battent au milieu du crusol, car en ceste sorte il
chaufe mieulx que sur la grille sur laquelle on pose le creuset,
soubs lequel battent les souflets. Il est vray que le creuset est
plus dangereulx à casser, mays tu le peulx luter comme tu sçais que
font les fondeurs. Et aussy fault il entretenir tousjours du
charbon entre les souflets & le cruset. Advise aussy de gecter
tout à un coup & non pas à parcelles & à gouttes, qui s’arresteroient
& boucheroient le conduit de la matiere. Et si tu fesois au gect
un abreveoir pour abrever ta medaille, il n’en seroit que mieulx.
Et affin que la matiere chaufe bien au fonds, remue la, estant
fondue, avecq un baston, car le fer ne faict qu’aigrir. Tourne.
at left middle margin
Aulcuns mectent
bourras pour
eschaufer & faire
courre.
at left bottom margin
Mects soubs ton
creuset une grosse
platte de fer qui
rougira & entretien—
dra la chaleur
soubs ton creuset.
at left bottom margin
La matiere de
cuivre se trouve
bonne pour gect
quand estant
rompue elle fait
le grain long &
non ras, car cela
demonstre qu’elle est
doulce. C’est moictié
letton fin & moictié
cuivre rouge. Ce grain long s’appelle longue tige.