082r - - - - - Chaleur de cuivre
Il est asses chault quand tu le vois net & uny par dessus
sans crasse
Chassis
Le fer & cuivre font soufler si le metal y touche & le bois
se tourmente Fais doncq un moule de boys & fais faire
des chassis de brique dans ce moule de telle espesseur que tu
vouldras
Glaire doeufs
La glaire doeufs donne force au sable pour en faire
plusieurs gects
Horlogeurs
Pour departir a proportion les dents de leurs roues Ils nusent
point de compas Car il ny en a point de si subtil qui peult compasser
si petites distances comme celles des petites roues Mays il font une
platte forme (quils appellent) de letton fais distribuee en plusieurs
cercles & chasque cercle est divise en esgalles distances marquees
dun point Et chasque cercle en a certain nombre comme lun 30
laultre 36. laultre 40. &. Puys sur le centre perce de la
platte forme ilz y posent la petite roue Et sur le centre de
la roue une ligne platte ou halidade laquelle se dirige au cercle
du nombre que tu veulx marquer sur ta roue Puys avecq une
pointe ilz marquent une ligne sur la roue puys remuent lhalidade
sur le point suivant & trassent ainsy en continuant Et pour
noter les points sur les cercles de leur platteforme Il divisent
le cercle en trois & puys divisent ceste troisiesme partie en
tant de distances quil est necessaires en esgard a la totale
division du cercle & font en ceste sorte leur division & departement
des dents aussy
subtile quil leur
plaist
Figure
