081r - - - - - Sable
Il s’en trouve d’excellent au costau de Puy David auprés de Thoulouse
pour plomb, estaim & cuivre. Il ne veult pas estre trop recuit
pource que, se deseichant ainsy à coup, il perd sa liaison & s’escuie
à la premiere entrée du metal, ce qui faict venir l’ouvraige
grumeleus & mal net. Il vault mieulx recuire de loing qu’avecq
la flamme de paille, qui engendre des de la crasse. Plustost que
remplir le chassis, tu peulx mectre du plus subtil sable que tu auras
dans un linge fort subtil, & en poncer à sec la medaille, et puys
le sable mouillé que tu y mects dessus, qui ha plus de corps, le
grippe.
at left top margin
Le suif faict soufler
at left top margin
Le mercure
arresté mellé comme
on veult gecter,
faict courre le
metal plomb.
Mays s’il est
pur, il le fault
gecter bien chault
affin qu’il coure,
Et souspirails.
Terre à mouler
La terre à gainiers ou celle dont les potiers font un blanchiment
sur les pots pour mieulx faire courre le plomb dessus & garder
que le plomb ne s’emboive dedans, est fort bonne à mouler
les caves de ce que tu veulx faire en relief. Elle est de meilleure
despouille que le plastre ne le soufre, qui se font durs
quand ilz ont faict prise. Car, la terre preste, il la fault
fort battre affin qu’elle ne se fende point. Et si la piece
est fort grande, tu la peulx mouler à plusieurs parties.
Si tu la recuits, il fault que ce soit à foeu clos. On trouve
de ceste terre au Fosseret & en un aultre lieu appellé Ox.
Plastre
Il fault qu’il soit bien cuict, ce que tu cognoistras quand le cuisant
en quelque cassolle de fer ou metal, tu la mesles avecq une verge
de fer, & s’il s’attaque au fer il n’est pas assés cuit, sinon il est
bien. L’eau de laquelle tu le destrempes doibt estre un peu tiede &
le moule aussy de terre susdicte ou aultre un peu chault. L’ouvraige
de plastre n’est pas de durée & les visaiges & choses delicates se
rompent si on ne luy donne une main de colle.
Carton
Il fault prendre du papier de Florence, qui est le plus fin, & le piler &
faire tremper plusieurs fois & changer d’eau tous les jours affin qu’il ne
sente point mal, & comme tu l’auras moulé dans le cave, pose ung linge dessus &
par derriere, frotte avecq une dent comme si tu voulois brunir, et il se
moulera fort net. Puys colle par derriere de la toile avecq colle forte.