Making and Knowing
A minimal edition of BnF Ms Fr 640

[TOC] | [translation]

- - - - - folio image: 081r - - - - -

Sable

Il sen trouve dexcellent au costau de puy david aupres de thoulouse
pour plomb estaim & cuivre Il ne veult pas estre trop recuit
pourceque se deseichant ainsy a coup il perd sa liaison & sescuie
a la premiere entree du metal ce qui faict venir louvraige
grumeleus & mal net Il vault mieulx recuire de loing quavecq
la flamme de paille qui engendre des de la crasse Plustost que
remplir le chassis tu peulx mectre du plus subtil sable que tu auras
dans un linge fort subtil & en poncer a sec la medaille Et puys
le sable mouille que tu y mects dessus qui ha plus de corps le
grippe

at left top margin

Le suif faict soufler

at left top margin

Le mercure
arreste
melle comme
on veult gecter
faict courre le
metal plomb
Mays sil est
pur il le fault
gecter bien chault
affin quil coure
Et souspirails

Terre a mouler

La terre a gainiers ou celle dont les potiers font un blanchiment
sur les pots
pour mieulx faire courre le plomb dessus & garder
que le plomb ne semboive dedans est fort bonne a mouler
les caves de ce que tu veulx faire en relief Elle est de meilleure
despouille que le plastre ne le soufre qui se font durs
quand ilz ont faict prise Car la terre preste Il la fault
fort battre affin quelle ne se fende point Et si la piece
est fort grande tu la peulx mouler a plusieurs parties
Si tu la recuits il fault que ce soit a foeu clos On trouve
de ceste terre au fosseret & en un aultre lieu appelle Ox

Plastre

Il fault quil soit bien cuict ce que tu cognoistras quand le cuisant
en quelque cassolle de fer ou metal tu le mesles avecq une verge
de fer
& sil sattaque au fer il nest pas asses cuit sinon il est
bien Leau de laquelle tu le destrempes doibt estre un peu tiede &
le moule aussy de terre susdicte ou aultre un peu chault Louvraige
de plastre nest pas de duree & les visaiges & choses delicates se
rompent si on ne luy donne une main de colle

Carton

Il fault prendre du papier de florence qui est le plus fin & le piler &
faire tremper plusieurs fois & changer deau tous les jours affin quil ne
sente point mal & comme tu lauras moule dans le cave pose ung linge dessus &
par derriere frotte avecq une dent comme si tu voulois brunir Et il se
moulera fort net puys colle par derriere de la toile avecq colle forte