080v - - - - - Fondeurs de menus ouvrages
@ d’estaim
Ils gectent communement de souldure mesmement les choses qui
ne doibvent point venir vuides car celles là requierent
l’estaim fin & doulx, qui toutesfois ne despouilleroit pas
& ne viendroit pas vuide s’il estoit meslé ou avoyct de
l’estain de glas mesle parmy comme ilz en mectent un peu en l’estain
, doulx. Ils gravent leurs ouvrages sur des pierres de quoy
se font les coulx ou filieres des barbiers qui se trouve
par grandes escailles vers les montaignes & retire à
l’ardoise. Il y en ha de trois couleurs: de rougeastre,
qui n’est pas si parfaicte que les aultres pource que elle ne
dure pas tant au foeu & comme, l’une dard de couleur
d’ardoise obscure, l’aultre blancheastre. Quand ilz ont
quelque relief, ilz l’impriment premierement sur du carton
espés d’un doigt pour leur servir de patron, puys avecq unpetit compas & petits ferremens
dont ilz sont assortis, ilz gravent leurs figures, ayant premierement
aplani leurs pierres & usées l’une contre l’aultre, ils font
leurs p moules de trois ou quattres pieces pour faire
un rond ou quarré qui se joinct parfaictement, à cause que
les pierres se rendent fort esgalles. Plustost que gecter,
il frottent de suif le moule, qui l’a bien tost beu à cause
qu’il est chault. Puys ayant de la subtile pouldre
de chaulx vive dans un linge, ilz poncent le moule en
frappant du linge dessus puys souflent un peu dessus;
cela empesche de soufler. Le principal est de faire
des souspirails. Si l’ouvraige est grand et ilz les font
en ceste sorte comme tu voys representé, ilz persent en quelque
endroit de la medaille qui est le moings aparent. Et puys avecq
un foret, ilz percent le moule au costé de la medaille.
Figure
Et s’ilz veulent que leur ouvraige demeure percé en
quelque endroit, ilz enchassent un peu de liege en cet
endroit dans le moule. Et le plomb ou estaing ne
attaque point.
at left top margin
Fais que les chevilles de ton
chassis entrent à l’aise affin que
ouvrant le chassis s’ouvre aisement
sans rien esbranler, que tes chassis
se joignent bien & que la table soit
bien unye.
at left top margin
Essaye de graver
avecq vinaigre
distillé.
at left middle margin
Essaye les coquilles
d’huistres calcinées,
on dict qu’elles sont
excellentes pour
mouler.