080v - - - - - Fondeurs de menus ouvrages
@destaim
Ils gectent communement de souldure mesmement les choses qui
ne doibvent point venir vuides Car celles la requierent
lestaim fin & doulx Qui toutesfois ne despouilleroit pas
& ne viendroit pas vuide sil estoit mesle ou avoyct de
lestain de glas mesle parmy comme ilz en mectent un peu en lestain
doulx Ils gravent leurs ouvrages sur des pierres dequoy
se font les coulx ou filieres des barbiers qui se trouve
par grandes escailles vers les montaignes & retire a
lardoise Il y en ha de trois couleurs de rougeastre
qui nest pas si parfaicte que les aultres pourceque elle ne
dure pas tant au foeu & comme Lune dard de couleur
dardoise obscure laultre blancheastre Quand ilz ont
quelque relief ilz limpriment premierement sur du carton
espes dun doigt pour leur servir de patron Puys avecq unpetit compas & petits ferremens
dont ilz sont assortis ilz gravent leurs figures ayant premierement
aplani leurs pierres & usees lune contre laultre ils font
leurs p moules de trois ou quattres pieces pour faire
un rond ou quarre qui se joinct parfaictement a cause que
les pierres se rendent fort esgalles Plustost que gecter
il frottent de suif le moule qui la bien tost beu a cause
quil est chault Puys ayant de la subtile pouldre
de chaulx vive dans un linge ilz poncent le moule en
frappant du linge dessus puys souflent un peu dessus
cela empesche de soufler Le principal est de faire
des souspirails Si louvraige est grandet Ilz les font
en ceste sorte comme tu voys represente Ilz persent en quelque
endroit de la medaille qui est le moings aparent Et puys avecq
un foret ilz percent le moule au coste de la medaille
Figure
Et silz veulent que leur ouvraige demeure perce en
quelque endroit ilz enchassent un peu de liege en cet
endroit dans le moule Et le plomb ou estaing ne si
attaque point
at left top margin
Fais que les chevilles de ton
chassis entrent alaise affin quen
ouvrant le chassis souvre aisement
sans rien esbranler Que tes chassis
se joignent bien & que la table soit
bien unye
at left top margin
Essaye de graver
avecq vinaigre
distille
at left middle margin
Essaye les coquilles
dhuistres calcinees
on dict quelles sont
excellentes pour
mouler