080r - - - - - Mortier
Ils en font de fine matiere & de fin cuivre qui soict capable
de cinquante lb de pouldre en forme de barricot renforcé,
et ayant faict trou ras de terre au pied d’une muraille
avecq des birons, ils enchassent ledict mortier chargé dans
ce trou, la gueule en hault, qui faict une grande bresche.
Stuc blanc fort dur
Cire blanche, tormentine de Venise, coquille d’oeuf & ceruse.
Fontaines
Figure
Si tu veulx faire monter une eau plus haulte que sa source,
fais descendre un tuyau comme despuys A B jusques à B affin de luy
donner sault à l’eau, puys de B jusques à C fait remonter le tuyau
qui n’ateigne pas du tout à la haulteur de la source qui t’est representée
par ceste ligne couchée, puys fais encores descendre le tuyau
de C jusques à D, puys le remonte plus hault que la ligne
qui demonstre la haulteur de la source. Et fais ainsy consequemment
jusques à ce que tu soys parvenu à la haulteur desirée, observant
neantmoings que la longueur du tuyau descendant soit deulx fois
plus longue que le tuyau montant. Ce cornet aussy replyé
en soy mesme te demonstre une fontaine perpetuelle que tu peulx
adapter dans quelque roche, attirant l’eau duquel il est remply
par le bout marqué en supant & tirant l’haleine à soy. Tu peulx
aussy faire un tuyau de chantepleure en ceste sorte, affin que
la longueur retroussée soict aussy longue que son tuyau droit &
neantmoings ne descende pas si bas.
Figure at left middle margin
Figure at left middle margin