[TOC] | [translation]

Mortier

Ils en font de fine matiere & de fin cuivre qui soict capable
de cinquante lb de pouldre en forme de barricot renforce
Et ayant faict trou ras de terre au pied dune muraille
avecq des birons Ils enchassent ledict mortier charge dans
ce trou la gueule en hault Qui faict une grande bresche

Stuc blanc fort dur

Cire blanche tormentine de venise coquille doeuf & ceruse

Fontaines

Figure

Si tu veulx faire monter une eau plus haulte que sa source
fais descendre un tuyau comme despuys a bJusques a b. affin de luy
donner sault a leau puys de B jusques a C fait remonter le tuyau
qui nateigne pas du tout a la haulteur de la source qui test representee
par ceste ligne couchee Puys fais encores descendre le tuyau
de C. jusques a D puys le remonte plus hault que la ligne
qui demonstre la haulteur de la source Et fais ainsy consequemment
jusques a ce que tu soys parvenu a la haulteur desiree Observant
neantmoings que la longueur du tuyau descendant soit deulx fois
plus longue que le tuyau montant Ce cornet aussy replye
en soy mesme te demonstre une fontaine perpetuelle que tu peulx
adapter dans quelque roche attirant leau duquel il est remply
par le bout marque en supant & tirant lhaleine a soy Tu peulx
aussy faire un tuyau de chantepleure en ceste sorte Affin que
la longueur retroussee soict aussy longue que son tuyau droit &
neantmoings ne descende pas si bas

Figure at left middle margin

Figure at left middle margin