079v - - - - - [continued]
et mectés le dedans ung pot de terre, & qu’il y ayt
forces cendres chauldes dessoubz, & ferés petit à
petit du foeu dessoubz de plus en plus, & ne le
fault pas bouger, & quand il sera cuit, & s’i fault
qu‘il soit six heures, & gardés que la fumée ne vous
face mal car est maulvaix.
Pour faire verny
Prenés masticq, sang daRage darac, gomme arabic &
huille d’aspic aultant d’ung que d’aultre, & les faictes
fondre ensemble, & devant que le coucher, couchez une
couche de colle bien clere & le laissés seicher.
@ Contrepoison contre la fumée des metaulx
Prens le matin une rostie au boeurre, & l’antimoine ne
aultre vapeur ne te pourra nuire. Ou mects une demy vessie
de porc devant le visage.
Estaim pour gect
Ils employent l’estain commun, qui est celuy duquel les
pintiers usent pour faire vaisselle, qui est composé
de 9 ou dix dix lb de plomb fin sur un quintal d’estain
at left bottom margin
Aulcuns ne trouvent
rien mieulx que l’estain
fin.
Mixture pour les imprimeurs
Fais une couche d’antimoine pulverisé & une couche de letton & vielles
escailles ou lames de fer ou clo testes de cloux de fer, et
continues ainsy jusques à ce que le crusol soit plain. Et
fais fondre au four à vent, & puys mesle un peu d’estain &
acheve de remplir le crusol de plomb jusques a ce que il
le cause. Et vigore le foeu & mesle pour faire bien allier
les matieres. La mixture des grandes lettres est plus dure.